Юрий Власкогийн амиа алдахын өмнөх бичлэг ил болжээ

8bd38fbc5a8bb42b8dc6f3e5f9acc950be64a30eӨнгөрсөн сарын 29-ний өдөр ОХУ-ын Буриадын бөх Юрий Власкогийн цогцос Байгал нуурын эргээс олдсон юм.  Дөнгөж 20 настай хэдий ч Буриад улсдаа төдийгүй дэлхийн шилдэг чөлөөт бөхчүүдийн нэг болж чадсан, Европын аваргын тэмцээний хошой алтан медальт Юрий Власко долдугаар сарын 27-ны өдөр ОХУ-ын Улаан-Үд хотод болсон Борис Будаевын нэрэмжит өсвөрийн тэмцээнд шагнал гардуулахаар зочилж, улмаар ор сураггүй алга болжээ. Эх сурвалжийн мэдээлснээр, түүнийг зүрхэн тус газар нь хутгалж, амь насыг нь хөнөөгөөд, Байгал нуурт шидсэн бололтой байна. Уг хэргийн талаар Буриадын мөрдөн байцаах хороо албан ёсоор баталж, 20 настай залуу тамирчныг амь насаа алдсан, хүнд хорлогдсон болохыг албан ёсоор тогтоосноо мэдэгдлээ. Уг мэдэгдэлтэй зэрэгцэн сошиал сүлжээгээр талийгаачийн амьдралын сүүлчийн мөчүүдийг харуулсан дүрс бичлэг түгсэн юм. Тэмцээний үеэр Власко хэсэг нөхдийн хамт Байгал нуурын хөвөөгөөр зугаалж явсан байна. Гэтэл хэсэг залуус түүнтэй маргаж, бүлэглэн зодсоны дараа тамирчин эр амиа алджээ.

Түүний аминд хүрсэн этгээдийг наймдугаар сарын 2-нд Улаан-Үд хотоос баривчилсан байна. Сэжигтэнийг саатуулах үеэр өөрийнхөө хийсэн бүх хэргийг хүлээн зөвшөөрсөн байна. Талийгаач тухайн үед өөр лүү нь дайрсан тул амиа хамгаалах зорилгоор түүний аминд хүрсэн гэдгийг 33 настай эр мэдүүлжээ. Тамирчны үхэлд гол үүрэг гүйцэтгэсэн хоёр этгээдийг баривчилсан ба бүх насаар нь хорих ял оноох төлөвтэй байна.

Юрий Власког өнгөрсөн даваа гаригт төрөлх Оса тосгонд нь нутаглуулжээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.