Завханы Цагдаагийн газарт олон жил ажилласан дарга нарыг сэлгэжээ

Завхан аймгийн Цагдаагийн газарт томоохон халаа, сэлгээ хийж удирдлагуудыг нь өөр­чилжээ. Зуу шахам ажилтантай тус бай­гуул­лагын аймаг­таа олон жил хамтарч ажилласан, хүчний бай­гууллагыг хамтдаа олон жил удирд­сан дарга нарын “бүлэг­лэл”-ийн талаар Цагдаагийн ерөн­хий газарт мэдээлэл ирсэн бололтой. Энэ дагуу Цагдаагийн ерөнхий газ­рын даргын баталсан ажлыг хэсэг Завхан аймгийн Цагдаа­гийн газарт ажиллажээ. Ажлын­хан хэсгийнхэн хал дарга нарын уялдаа холбоо нь бүлэг­лэл шахуу болсон байгааг тог­тоосон бололтой. Тиймээс өнгөр­­сөн сард аймгийн Цагдаа­гийн газрын бүх удирдлагыг албан тушаалаас нь өөрчилж, өөр газар руу шилжүүл­жээ. Орон нутгийн хүчний байгуу­ллагад өрнөсөн халаа сэлгээг тойм­лон хүргэе.

Аймгийн цагдаагийн газрыг дөрвөн жил гаруй удирдсан Ш.Даваа­сүрэн хурандааг Цаг­даагийн ерөнхий газарт шин­гээ­­хээр явуулжээ. Түүний оронд дэд хурандаа А.Батбаярыг томилсон байна. Тэрбээр өмнө нь Хан-Уул дүүргийн цагдаа­гийн хэлтсийн дэд даргаар ажиллаж байсан юм.

Харин дэд дарга, цагдаа­гийн хошууч Ц.Ганболдыг үүрэгт ажлаас нь чөлөөлж Зүүн хараагийн цагдаа­гийн хэлтэс рүү явахыг зөвлөсөн байна. Завхан аймагт арав шахам жил ажилласан хошууч Ц.Ганболд одоохондоо албан тушаалдаа томилогдоогүй бололтой. Түүний оронд цагдаагийн хо­шууч, Э.Одхүүг томилжээ.

Мөн Төв аймгийн Замын цаг­даа­гийн тасагт ахлах бай­цааг­чаар ажиллаж байсан цаг­даа­гийн хошууч Н.Үүрийн­цол­монг Завхан аймгийн Замын цагдаагийн тасгийн даргаар томилсон байна. Түүнд албан тушаалаа өгсөн цагдаагийн хошууч Ц.Батцогт оронд нь ахлах байцаагчаар томилогд­сон байна.

Завхан аймгийн Цагдаагийн газрын мөрдөн байцаах албаны дарга цагдаагийн хошууч Д.Хүдэр­мөнхийн оронд цагдаагийн ахмад Ц.Мөнхбатыг томилжээ. Тэрбээр өмнө нь Өвөрхангайн Цагдаагийн газарт ахлах мөрдөн байцааг­чаар ажиллаж байсан юм. Харин Д.Хүдэр­мөнх хошууч мөрдөн бай­цааг­чаар томилог­дох бололтой. Ерөнхийдөө энэ удаагийн халаа, сэлгээгээр аймгийн цагдаагийн газрыг удирдаж байсан нөхдүүд ахлах мөрдөн байцаагч, мөрдөн бай­цаагчийн албанд л бууж байгаа бололтой юм.

dailynews


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.