“ТОПОР”-ЫГ ЗӨНӨСӨН ЧАВГАНЦЫН ТУНИРХСАН ИМИЖТЭЙ ГЭЖ МЭДСЭНГҮЙ

dbde1ab2044953946f4c7030bf4db0b2МАН-ын Удирдах зөвлөлийн хуралдаан өнөөдөр боллоо. Энэ үеэр У.Хүрэлсүхийн сүржигнэл, өөрийн булхайг илчилсэн бухимдал заналхийлэл бүхий хурал хаялт гол хачир нь болсон юм. Тэмцэгч чанартай гэх “Топор”-ыг нь зөнөсөн чавганцын тунирхсан имижтэй гэж мэдсэнгүй. Гэвч санасандаа хүрэхгүй болохоор “Үхээд өгье” гээд бархирдаг инээдээ барьж ядам тийм үзэгдлийг Удирдах зөвлөлийн хурал дээр харууллаа. Зөв үү, “Найруулагч аа”, зөвлөгөө өгөөрэй тэрэндээ.
Шадар сайд У.Хүрэлсүхийг  Ерөнхийлөгч Х.Баттулгатай түймэр унтраалцаж явахад намаасаа урвах нэгэн шинэ түймэрийг өрдчихөөд зугтаж буй нь мэдрэгдэж байсан. Тиймээс ч “Намын дарга, Ерөнхий сайдаа огцруулахдаа заналтайгаар гарын үсгээ зурсан” хэмээж суусан Х.Баттулгын “өвчин” У.Хүрэлсүхэд айхавтар халдварлаж Засгийн газраа толгой түрүүгүй буруутган танхимын гишүүн биш мэт, бүр МАН-ын гишүүн ч биш мэт санагдуулж орхив. Түүний хурал дээр хэлсэн үгсийг уншин загнуулж суухдаа “Засгийн газраас болж Ерөнхийлөгчийн сонгуульд ялагдана” гэж байдгийг анх удаа сонсдог юм байна. Учир нь намын нүүр царай, нэр дэвшигчийн имиж чухал гэж улс төрийн ухаанд сурталддаг юм л даа.
Ингээд зогсохгүй У.Хүрэлсүх өөрийнх нь ярианы бичлэг дэлгэгдсэнд цочирдсон дүр үзүүлэхгүй байх бэлтгэлтэй байлаа. Улмаар бичлэгийг хүлээн зөвшөөрч Ерөнхийлөгч, “түүний найруулагч” Б.Баатар нартай цаашид ч уулзана гэдгээ тунхаглаж тэдний итгэлийг олохын тулд эцсээ хүртэл зүтгэхээ харуулав. “Эвлүүлдэг, эвдрэлцүүлдэг, элэгддэг” гурав хамтдаа ясаа цайтал зорьсондоо хүрэхийн төлөө зүтгэх нь. Түүн дээр өнөөх “сүүлчийн ганц цамцаа” хайрладаггүй эрхэм нэмэгдчихсэн “Тагнах, чагнах ажиллагаа хэрээс хэтэрлээ” гээд загнаж байх аж. Өөрөө С.Зоригийг хөнөөсөн гэх хэргийг илрүүлсэн үйл явдлын дараахан уртаас урт жагсаалт дэлгээд гар утсаар бичилцсэн дурын мессежийг уншаад хэвлэлийн бага хурал хийлгэж байсан нь саяхан санагдана. Ямартай ч У.Хүрэлсүхийн энэ алхам түүнд тааламжтай, ашигтай байгаа бололтой юм. Гэхдээ л “Хэрэв М.Энхболд Ерөнхийлөгчөөр сонгогдсон бол Ц.Нямдорж хаахна байхсан бол” гэж бодогдохгүй өнгөрүүлж чадсангүй. У.Хүрэлсүхийн хувьд өнөөх цагдаа дүү тагнах чагнасан бичлэг авчирч өгсөн барьсан талаар бол хурал дээр тоохгүй ярьж байна гэнэ шүү.
Харин “М.Энхболд оо, чи 60 тэрбумын хэрэгт холбогдсон. Наад ажлаа өг” гэж цагдаа, шүүх мэт авирлах нь У.Хүрэлсүхэд ахадна. “Ж.Эрдэнэбат аа, чи засгаа муу удирдаж, сонгуульд унагасан. Чи ажлаа өг” гэдэг ч түүний шийдэх асуудал биш. Учир нь УИХ-ын 2016 оны сонгуулийн үр дүнд байгуулсан Засгийн газрыг 2017 онд болсон Ерөнхийлөгчийн сонгуулийн  үр дүнгээс шалтгаалж, тийм зохион байгуулалт, хууль дүрмээр огцруулдаггүй юм. Хэрэв У.Хүрэлсүхийг Ерөнхий сайдаар ажиллаж байхад Ерөнхийлөгчийн сонгуульд намынх нь нэр дэвшигч ялагдаад У.Хүрэлсүхээс боллоо гэвэл тэр хүлээж авах хүн мөн үү.
Заавал улс төрийн хариуцлага тооцох ёстой гэвэл намынхаа удирдлагуудтай хариуцлага тооц л доо. “Би сайн урвасан учраас М.Энхболд та ялагдлаа, намын даргын ажлаа өг”, “Амарбаясгалаан, ахыгаа уучлаарай, МАН-ын генсек нь чи учраас хариуцлага хүлээ” гээд явуулж чадах уу. Эс чадах тохироотой учраас л “Номхон тэмээг ноолоход амархан” гэгчээр ажлаа хэвийн хийж байгаа Ерөнхий сайд руу дайрч байна. Харамсалтай нь онцын ноцтой шалтгаан харагдахгүй байгаа болохоор “Чиний суудал л надад гоё харагдаад байна” гээд байгаа мэт шунал тачаал нь түүнийг адлаад байдаг эрлийз мориноос нь ч эвгүй байдалд оруулчихав уу даа.

Харин Шадар сайдын суудлаа өгөх эсэх нь түүний л асуудал. Эхний ээлжинд Ж.Эрдэнэбатын Засгийн газрыг “эмтлэх”-ийн тулд тэртэй тэргүй сэтгэлд нь гологдоод байгаа, ажлын ачаалал ихтэй, нэр хүндэд халтай суудлаар сор залах их ухааныг өөр нам дахь зөвлөхүүд нь өгсөн бололтой.

Тэр “М.Энхболд оо, чи Ерөнхий сайд байж үзлээ. Намын дарга байж үзлээ. УИХ-ын дарга хүртэл хийлээ. Одоо болно. Чи улс орныхоо төлөө зүгээр л явж үз” гэж аархсан нь намынхнаа тэр чигт нь өөрийнхөө эсрэг чиглүүлчихлээ. Учир нь “Хэзээ ч У.Хүрэлсүх Ерөнхий сайд болж, даган баясагчдаа сайд болгох юм билээ. Ер нь их эвгүй дүр зураг харуулчихлаа шүү” гэсэн яриа ч хуралдааны дараа дуулдаж байв. Нээрээ ч 70 гаруй насалчихаад төр түшилцэж байсан Д.Дэмбэрэл гуайг өнөөдөр хэрэв хуралд суусан бол зад загнаад “Одоо болно” гээд хөөж мэдэхээр сэтгэл нь хөдөлсөн, омогшсон байв.

“Та нар намайг алчихдаггүй юм бол, хилс хэргээр суулгачихдаггүй л юм бол энэ намын төлөө би ясаа цайтал явна” гэсэн түүний үг намынхнаа шүүмжлэгчийг алдаг,эсвэл хилс хэргээр суулгадаг гэж гүтгэх мэт дуулдаж, хэчнээн улайрч, хэр зэрэг намдаа сэтгэл хөрснийг нь харуулав. Уг нь тэр МАН-д ингэтлээ өшрөх эрхгүй баймаар. Намынхаа өмнө тэр анх удаа үнэмлэхүй ялагдал авчирч өгсөн гэмтэн. Чуулганы танхимын үүдэнд сөрөг хүчний гишүүнийг цохиж унагасан танхайрагч. Гэвч МАН түүний толгойг илж гэмийг өнгөрүүлж өхөөрдөн хүмүүжүүлсээр өнөөг хүрсэн. Засгийн газрын гишүүн хүн Засгийн газрынхаа тогтвортой байдлыг хөрөнгө оруулалтын толь гэж харж чадахгүй. Хөрөнгө оруулалт нэмэгдвэл хүүхдийн мөнгө олголт тасалдахгүйгээс эхлээд улс орны эдийн засагт хэрэгтэй гэдгийг У.Хүрэлсүх байтугай ухамсарт иргэн бүр мэднэ. Гэтэл энэ бүх эрх ашгийн өмнө Ерөнхий сайдын суудлыг онилж, түүний төлөө хэнтэй ч хамтарч, юуг ч хийхэд бэлэн яваа У.Хүрэлсүхийг Монголын төр өдий олон жил “тэжээхдээ” хүмүүжүүлж чадаагүй юм байна. Тэр бэлтгэгдсэн төрийн түшээ биш, цэргийн эргэлт хийхэд ч бэлэн, урвахад ч бэлэн тийм л цэрэг аж.
У.Хүрэлсүхийн бэлтгэсэн жүжгээс бусдаар бол МАН-ын Удирдах зөвлөлийн хурал хэвийн үргэлжилж, Засгийн газрын үйл ажиллагаанд үнэлэлт дүгнэлт өгөх ажлын хэсэг байгуулж, тэр ажлын хэсэг нь ирэх есдүгээр сард болох МАН-ын Бага хурлын үеэр ажлаа танилцуулж, шийдвэр гаргах учиртай. Намын ажил ингэж л явдаг. Харин “өнөө гурав”-ын ажил өөрөөр явах болж дээ.

Ц. ЭРХЭС

jirgee.mn


URL:

Нэр: Teneg Огноо: 17 August 2017

Teneg yum bichdeg gar uu Ene Erhes gej nOhOr. Elbegdorjiig Baaahan magtaad bsan gar l bna

Нэр: болиррой Огноо: 17 August 2017

хүрэлсүх үнэхээр ямар хүмүүжилтэй хүн гэдгээ харууллаа одоо харин шадар сайдынхаа ажлыг өгөөд энэ насаас холдож ерөнхийлөгчийнхөө намд орж сүрээ үзүүлсэн нь дээр болждээ кккк

Нэр: болиррой Огноо: 17 August 2017

хүрэлсүх үнэхээр ямар хүмүүжилтэй хүн гэдгээ харууллаа одоо харин шадар сайдынхаа ажлыг өгөөд энэ намаас холдож ерөнхийлөгчийнхөө намд орж сүрээ үзүүлсэн нь дээр болждээ кккк

Нэр: Anonymous Огноо: 17 August 2017

yamar negen ashig sonirholiin zorchilgui asuudald orootsoldoj bgagui ner tsever l huniig gargah heregtei shdee. deerees ni shinechleliig hiij chadah heregtei

Нэр: Anonymous Огноо: 17 August 2017

shinechlel heregtei bn. ene ovgorshson heden olgoi tolgoinuudiig tasdah tsag ni irsen.

Нэр: ) Огноо: 17 August 2017

Хүрэлсүх нам төрийн хувьд ч, эр хүний хувьд ч итгэл даахаар хүн. Түүнийг бүгд л мэднэ. Ямар нэг суудлын төлөө биш эх оорны төлөөх зүрх энэ хүнээс харагддаг юм шүү

Нэр: ) Огноо: 17 August 2017

MAH bol luivarchid erliiz hurliizuudiin bh ystoi gazar bish, ono ertnii tuuht namiig luuvirchdaas tsewerleh bolson. Chaddag huneer ni udirduulaad MAH-g ch mongoliig ch avrah heregtei

Нэр: иргэн. Огноо: 17 August 2017

Арай ч дээ Хүрэлсүхийн шудрага зангаараа ард түмний хайр хүндэтгэлийг хүлээсэн ганц торойж үлдсэн ганц улс төрч гэтэл араас нь мөшгүүлж хэлс хэрэг энэ тэнэг яриаг хэн үүсгээд байгаа нь хачирхалтай байна.

Нэр: Зочин. Огноо: 17 August 2017

Анхааралтай байхгүй бол болохгүй байна даа ид хийж бүтээдэг шудрага улс төрчидөө дарамталд шантаажинд оруулах гэж янз янзаар үзэж байна даа

Нэр: ТӨРБОЛД Огноо: 17 August 2017

ХЭВЛЭЛҮҮД ИЙМЭРХҮҮ ИНЭЭДТЭЙ ЮМ ХЙИХЭЭ БОЛИО ИЧЭЭ

Нэр: uchiral Огноо: 17 August 2017

Олигтой юм бичиж чадахгүй новшнууд вэ хаха

Нэр: ТӨГСБОЛД Огноо: 17 August 2017

ЭНЭ ХЭВЛЭЛҮҮД ЮУ ХЙИГЭЭД БАЙНА…ИНГЭЖ АЖЛАА ХЙИХЭЭС ИЧЭЭ…ЭХ ОРОН …ҮНЭН 2 ОО МӨНГӨӨР СОЛИОСОН УРВАГЧ НАР….ЭНХБОЛДЫН ХАМСААТАН

Нэр: аааа Огноо: 17 August 2017

үлгэр бишдээ ямар олигтой юм бичиж чадахгүй

Нэр: Sugar* Огноо: 17 August 2017

MAN-d shinechlel shine amidral xeregtei bn. Xvrelsvx darga bolwol adgiin naad zax ni awilga bagasgana. MAN sergene. Gazriin naimaa awdag zardag xvmvvs baixgvi bolnoshde. ireedvigee bodotsgooy.

Нэр: Saran* Огноо: 17 August 2017

Xutsaj ugch bnaa neree. xaxa Xen itgexii naadxand chini bolij vz jooxon bodit yum niitleesee

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.