Төрийн компаниуд 1.4 тэрбум төгрөгөөр ЖИЙП машин авчээ

Монгол Улсад төрийн өмчит 101 компани үйл ажиллагаа явуулж байгаа бөгөөд үүнээс “Эрдэнэс Монгол” ХХК-ийн харьяа 12, Сангийн яамны харьяа 5, Төрийн өмчийн бодлого, зохицуулалтын газарт 84 компани харьяалагдаж үйл ажиллагаа явуулж байна. 2016 оны эхний хагас жилийн байдлаар нийт төрийн өмчийн компаниудын 70 орчим хувь нь алдагдалтай ажиллаж байсан бол энэ оны хагас жилийн дүнгээр 60 гаруй хувь нь ашигтай ажиллажээ.

 11640

Төрийн өмчит компаниудын 2016 оны эхний хагас жилд 15.5 тэрбум төгрөгийн алдагдалтай ажиллаж байсан бол 2017 оны эхний хагас жилд 459 тэрбум төгрөгийн ашигтай ажиллажээ. Өнгөрсөн оны эхний хагас жилийн байдлаар 10.8 их наяд төгрөгийн өр, төлбөртэй байсан төрийн өмчит компаниудын өр төлбөр 8.7 их наяд төгрөг болж, 2.1 их наяд төгрөг буюу 25 хувиар буурсан байна.

Төрийн өмчит компаниудын удирдлагын зардлыг 3 тэрбум төгрөг, барилгын засвар, тавилга, эд хогшил худалдан авах зардлыг 8.8 тэрбум төгрөг, тансаг хэрэглээний жийп автомашин худалдан авах зардлыг 3.3 тэрбум төгрөгөөр бууруулсан аж. Төрийн өмчит компаниуд 2012-2015 онд нийт тансаг хэрэглэлийн 170 ширхэг жийп автомашиныг 19 тэрбум төгрөгөөр буюу жилд дундажаар 42 ширхэг жийп автомашиныг 4.7 тэрбум төгрөгөөр худалдан авч байсан бол 2016-2017 онд 10 ширхэг жийп ангиллын автомашиныг 1.4 тэрбум төгрөгөөр худалдан авсан нь өмнөх жилтэй харьцуулахад 3.3 тэрбум төгрөг буюу 70 хувиар бууруулсан дүнтэй байна.

В.Бат

http://www.shuud.mn/content/read/488465.htm


URL:

Нэр: иргэн Огноо: 25 September 2017

ард түмнийхээ нуруун дээр татвараа үүрүүлээд өөрсдөө ингэж л тансаглаж байна. Хүрэлсүхийг ерөнхий сайд болгож, энэ асуудлыг таслан зогсоох юмсан даа. Аливаа албан тушаалд ранг гээч зүйл байх л ёстой. Төрийн 3 өндөрлөгтэй ижил хангамж авах гэсэн санааххагчид болох шуналтнуудыг таслан зогсоох хэрэгтэй.

Нэр: Anonymous Огноо: 25 September 2017

Өшөө илүү ихээр танах хэрэгтэй.

Нэр: irgen Огноо: 25 September 2017

2012-2015 onuudad avsan 19 ter bum tugrugiin 170 jip , 2016-2017 onuudad avsan 10 jip 1.4 terbum tugrugiin baraag butsaan zarj turiin umchiin baiguullaguud ireh oniihoo sanhuujiltiig olvol sain bna, tegeed ch 180 jip tuv zamaar bainga udur bur uvaad bhgui bol tugjrel bagasah ch um biluu dee .

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.