Баян-Өлгий аймгийн шоронгоос оргосон оргодол 24 жилийн дараа баригджээ

29

Одоогоос 24 жилийн өмнө буюу 1993 оны 11 дүгээр сарын 14-ний өдөр Баян-Өлгий аймгийн  хорих ангиас оргосон оргодол Т-г “Оргодол-шийдвэрлэлт” нэгдсэн арга хэмжээний хүрээнд баривчилж, 2015 оны Эрүүгийн хуулийн 21.11 дүгээр зүйлийн 1 дэх хэсэгт заасан гэмт хэрэг үйлдсэн гэм буруутайд тооцож, 1 жилийн хугацаагаар хорих ялыг биечлэн эдлүүлэхээр шийдвэрлэжээ.

Тэрбээр, Баян-Өлгий аймгийн шүүхийн 1993 оны 04 дүгээр сарын 21-ний өдрийн 6/08 тоот шийтгэх тогтоолоор 1986 оны Эрүүгийн хуулийн 123 дугаар зүйлийн 123.4 дэх  хэсэгт зааснаар 2 жил 9 сарын хугацаагаар хорих ялаар шийтгүүлж байсан бөгөөд тухайн ялыг эдэлж байгаад хорих ангиас оргож 1993 оны 05 дугаар сарын 26-ны өдөр баривчлагдаж, Баян-Өлгий аймгийн Сум дундын 6-р шүүхээс өмнө нь эдэлвэл зохих ял дээр нь оргосон хэрэгт нь нэмж ял оноон, нийт 3 жил 4 сарын хугацаагаар хорих ялаар  шийтгэжээ.

Ялаа эдэлж байх хугацаандаа 1993 оны 11 дүгээр сарын 14-ний өдөр Баян-Өлгий аймгийн  хорих ангиас дахин оргож баригдалгүй явсаар 24 жилийн дараа ийнхүү баривчлагджээ.

Оргодол Т нь анх оргохдоо 29 настай байсан бол энэ жил 53 нас хүрчээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.