Ахмад ажилтнууддаа хүндэтгэл үзүүллээ

22119689_1678368942235437_1275702810_o            Олон Улсын Ахмадын баярын өдрийг тохиолдуулан Баянзүрх дүүргийн Засаг даргын Тамгын газраас дүүргийнхээ бүтээн байгуулалт, хөгжил цэцэглэлтэд гар бие оролцож явсан ахмад ажилтнуудаа хүлээн авч, хүндэтгэл үзүүллээ. Хүндэтгэлийн арга хэмжээг дүүргийн Засаг дарга Т.Баясах нээж, үг хэлсэн юм. Тэрбээр, “Баянзүрх дүүргийн Засаг даргын Тамгын газраас тэтгэвэрт гарсан ахмад ажилтнуудтайгаа уулзаж, та бүхнийхээ санал санаачлагыг сонсдог уламжлалтай. Бидэнд зааж зөвлөж, урмын үгээр тэтгэн дэмжиж байдаг ахмадууддаа баярлалаа. Та бүхнийхээ зөвлөгөөг үргэлж сонсч, цаашид улам нээлттэй хамтарч ажиллах болно” гэлээ.

            Хүндэтгэлийн уг арга хэмжээнд дүүргийн Засаг даргын Тамгын газраас өндөр насны тэтгэвэрт гаргасан 100 гаруй ахмад оролцсон юм. Тэдний төлөөлөл болох ахмад ажилтан Л.Цэвэгдоржийг Баянзүрх дүүргийн “Хүндэт тэмдэг”-ээр, Д.Мөнгөн, Д.Янжин нарыг Засаг даргын өргөмжлөлөөр шагнасныг дүүргийн Засаг даргын Тамгын газрын дарга Б.Амартүвшин, Төрийн захиргааны улирдлагын хэлтсийн дарга А.Пүрэвдулам, Аж ахуйн тасгийн дарга А.Балдансүрэн нар гардуулан өгөв хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ. 

 22092767_1678368975568767_2104245860_o


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.