Хөлбөмбөгийн ДАШТ-ээс дөрвөн удаагийн дэлхийн аварга Итали мултарлаа

italiИрэх жил ОХУ-д болох ДАШТ-2018-д дэлхийн дөрвөн удаагийн аварга Италийн хөлбөмбөгийн шигшээ баг оролцохгүй нь  Италийн шигшээ баг сүүлийн 60 жилийн хугацаанд анх удаагаа ДАШТ-ийг өнжихөөр болов.

ДАШТ-ий урьдчилсан шалгаруулалтын сүүлийн шатанд тэд эхлээд Шведэд талбайд нь 1:0 харьцаатай хожигдсон бол өчигдөр өөрийн талбай буюу Миланы Сан Сиро цэнгэлдэх хүрээлэнд болсон хоёр дахь тоглолт дээр оноо авалгүй тэнцэж хожигдлоо.

Италийн шигшээ баг 1958 оноос хойш ДАШТ-д тасралтгүй шалгаран оролцож ирсэн юм. 2006 онд дөрөв дэхь удаагаа Дэлхийн аварга болсноосоо хойш болсон хоёр ДАШТ-д хэсгээсээ гарч чадаагүй, тааруухан амжилт үзүүлсэн.

Ийнхүү Шведүүд ДАШТ-ийг зорих эрхээ авлаа. Тэгвэл Грекийн Пирей хотод болсон 2018 оны ДАШТ-д оролцох эрхийн төлөө талбайн эзэн болон Хорватын багийн тоглолт 0-0 харьцаатайгаар дууссан байна. Өнгөрсөн долоо хоногийн пүрэв гарагт Загреб хотод болсон эхний тоглолтод 4-1 оноогоор хожсон учир ДАШТ-д оролцох эрхийг Хорватын хөл бөмбөгийн шигшээ баг авлаа.

Базель хотод болсон Швейцарийн шигшээ баг болон Умард Ирландын багийн нэмэлт тоглолт тэнцээгээр өндөрлөсөн байна. Тиймээс эхний тоглолтын оноогоор /1:0/ Швейцарийн баг ДАШТ-д оролцох болов.

М.Баяр


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.