Энэ өдрийн зурхай /2017.11.21/

Өнөөдөр аргын тооллын 2017 оны аравнэгдүгээр сарын 21. Мягсар гараг. Билгийн тооллын XVII жарны “Алтан унжлагат” хэмээгч Гал тахиа жилийн Өвлийн тэргүүн цагаагчин гахай сарын 3. Ангараг гараг.  Гар одтой, нэг цагаан мэнгэтэй, хар хулгана өдөр.

                          Барилдлага: Үхэх  
Шүтэн барилдлага: Мунхрахуй    
Суудал: Гал             

Өдрийн наран 8 цаг 11 минутад мандан, 17 цаг 14 минутад жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, хүүхэд үрчлэн авах, урлан бүтээхэд сайн. Улааны үйл, төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно хэмээжээ.

* * *ӨРНИЙН ЗУРХАЙ * * *

ХОНЬ (3/21-4/19)

Харилцаа холбоонд таатай өдөр. Өнөөдөр өөрийн жинхэнэ сэтгэл зүрхний анд нөхдөө олох магадлалтай. Өөртөө анхаарал хандуулахын тулд тохиолдлын явдалд сэтгэл хөөрлөөр хандахгүй байхыг од эрхэс зөвлөж байна. Та хайр сэтгэлдээ эргэлзэхгүй байснаар нэлээд хүнд сорилтыг давах бололтой. Хайр дурлалын хувьд нэлээд сонин учралууд тохиох боловч урагшгүй байдлуудаас болж салалт болж магадгүй.

ҮХЭР (4/20-5/20)

Уг үндсэн хүч тань маш их байх өдөр болно. Амлалтандаа хэлсэн бүхэн биелэх болно. Хурал цуглаан, хамт олны өмнө үг хэлэх амжилттай болно. Үг хүчтэй зэвсэг байх тул хэлэх үгээ сайтар эргэцүүл. Энэ өдөр худлаа ярих, харааж зүхэх осолтой.

ХАМТАТГАХ (5/21-6/21)

Худалдаа наймаа хийх хүсэл эрмэлзлэл таныг эзэмдэн авна. Энэ сард та бүтэн жил зарцуулснаасаа ч илүү мөнгийг үрж мэднэ. Ихэнхи худалдан авалт тань төлөвлөгдөөгүй, гэнэтийн байна. Энэ өдөр гэр ахуйн цахилгаан хэрэгсэл худалдан авахад тохиромжтой.

 МЭЛХИЙ  (6/22-7/22)   

Хуулийн байгууллага, төрийн удирдлагатай харьцахад таатай өдөр. Ил тод, шууд үйл ажиллагаанаас зайлсхий. Бусдад үл анзаарагдах үйл ажиллагаа явуул. Хов живийг хөөцөлдөх хэрэггүй.

АРСЛАН (7/23-8/22)   

Ажил хийхэд тааламжгүй өдөр. Ажил дээр хөл хөдөлгөөн ихтэй байх бололтой. Таныг гадны яриа, ийш тийж явах төлөвлөөгүй хэрэг, гэнэтийн даалгавар ажлаас чинь хөндийрүүлэнэ. Ажилдаа алдаа гаргахгүйн тулд эелдэг боловсон харьцаа, ая зантай, аривч хямагч байхыг сурч, туршлагатай мэргэжилтнүүдийн зөвлөгөөг сонсох хэрэгтэй.

ОХИН (8/23-9/22)

Таагүй өдөр. Хүч чадал буурна, ялангуяа эрчүүдийн. Хэт ачаалалтай оюуны болон биеийн хөдөлмөрөөс татгалз. Ажил дээрээ балмад, зальхай арга мэхэнд автахаас болгоомжил. Аз турших арилжаа наймаа бүү хий. Та олохоосоо илүү алдана. Өөрийн сул талыг өөгшүүлснээр хувийн амьдралд хүндрэл учирна.

ЖИНЛҮҮР (9/23-10/22)   

Нийгмийн бүхий л төслүүд амжилттай хэрэгжинэ. Зөн билэг хурцдаж, санхүүгийн болон гэр орны ажлыг урагштай бүтэмжтэй болгоно. Хувь заяатай холбоотой шийдвэр гаргахад энэ жилийн хамгийн сайн өдрүүдийн нэг. Өөрийн нөлөөгөө өргөтгө. Гүйцэтгэх засаглал, түшмэдүүдтэй хамтран ажилла.

ХИЛЭНЦ (10/23-11/21)   

Өнөөдөр найз нөхөд, санаа нэгтнүүдийн хүрээ нилээд өргөжинө. Тэдгээр нь маш боловсролтой эсвэл эрх мэдэлтэй, нэр төртэй хүмүүс байна. Тэдний тусламжтайгаар өөрийн онцгой шинэ ажлаа хэрэгжүүлэхийг хичээ.

НУМ (11/22-12/21)

Өөрийгөө танин мэдэх, энэ ертөнцөд ирсэн зорилгоо тодорхойлох өдөр. Өнөөдөр та хүүхдүүддээ мэдээллийг тоглоом хэлбэрээр ойлгуулвол сайн хүлээн авна. Харамсалтай нь шилжилтийн насны нумууд мэдрэлийн систем суларч, цусны эргэлт бодисын солилцооны тавгүйтэж болзошгүй.

МАТАР (12/22-1/19)

Сарын сүүлээр урьдчилан таамаглаагүй нөхцөл байдал үүсч магадгүй. Өдрөөс өдөрт төлөвлөгөөнүүд өөрчлөгдөнө. Түншүүдтэйгээ санаа нийлэхгүй байж болзошгүй. Таны амьдралын хэв маяг цоожтой өрөөнд буй мэт байна. Таны бизнесийн цэцэглэлтэнд уян хатан, буулт хийх чанар шаардлагатай байна. Зөвхөн ингэсэн нөхцөлд л хүссэнээрээ орлого олж чадна.

ХУМХ (1/20-2/18)

Санхүүгийн баланс ашигтайг заах боловч бүтээгдэхүүн нийлүүлэлтээ тогтоосон хугацаанд нь биелүүлж чадахгүй. Түншүүддээ найдаад хэрэггүй. Анхаарлаа бүү сулруул. Хэтийн төлөвийн асуудлаар түншүүдтэйгээ бүү маргалд.

ЗАГАС (2/19-3/20)

Сэтгэлийн хөөрөл ихтэй байна. Сэтгэл санааны шинэчлэл ч хийх шаардлагатай. Ажил хэргээ ул суурьтай, нухацтай гүйцэтгэ. Мөнгөний үйл ажиллагаа, барилга уран бүтээлийн төлөвлөгөө зэрэгт таатай. Дотоод эрх чөлөө, сэтгэл санааны тэнцвэртэй байдалд орно. Амьдралын идэвхи өндөр түвшинд байна, ямар ч ажлыг их чармайлт гаргалгүй хийх болно. Гэрлэлт, болзоонд таатай байна.