Энэ оны анхы инээдмийн уран сайхны кино “Ах дүү гурав” нээлтээ хийнэ

AH_DUU_3_poster_2Нэгэн үе цэнхэр дэлгэцийн хошин хөтөлбөрт од болон гялалзаж байсан “Захиалгат Инээд” хамтлагийн авьяаслаг жүжигчдийг хамтад нь урлагийн дээд кино дэлгэцнээс дахин харах мөч ирлээ.

90 минут үргэлжлэх бүрэн хэмжээний “Ах дүү гурав” уран сайхны киноны зохиолыг бичиж найруулсан Ө.Мөнх-Эрдэнэ, продюсер Х.Манлайбаатар, 2-р найруулагч С.Баттулга, гол дүр болох ах дүү гуравт Захиалгат Инээд хамтлагийн Мөөжиг, Манлай, Адъяа. Аавын дүрд АЖ Г. Мягмарнаран тоглож,  жүжигчин О.Оюун, Х-ТҮЦ-ийн Онон, Шинэ үеийн Энхжин, Приүсийн босс киноны Батзориг, Нямдорж гэх мэтчилэн олон танил жүжигчид тоглосон байна.

Киноны үйл явдал “Кастер” хэмээх хочит ноён Баянаа бол монголын нэгэн тэрбумтан. Залуу насандаа алдаж онож явсан тэрээр гурван өөр эхийн, гурван өөр хүүхэдтэй. Амь насанд аюултай хүнд өвчин туссан тэрээр өв хөрөнгөө хүүхдүүддээ өвлүүлэх тухай бодолд дарагдах болжээ. Гэвч тэрээр гурван хүүхдээ одоо чухам хаана байдгийг ч мэдэхгүй, хэнийх нь ч ээжтэй амьдралаа холбож байсангүй. Тийм учраас өөрийн үнэнч туслах болох Чулуунаад гурван хүүхдээ олж авчрах хүндхэн даалгаврыг өгнө. Харин Чулуунаа энэ даалгаварыг биелүүлж чадах болов уу? Үүний хариултыг “Ах дүү гурав” Адал явдалт, инээдмийн уран сайхны киноноос үзээрэй.

Сонирхуулахад кино зургийн тал хувийг Дорнод аймагт Буйр нуурын дэргэд өнгөрсөн зун авсан. Сонирхолтой хөгжилтэй түүхийг өгүүлэх энэ цоо шинэ кино 2018 оны 1-р сарын 12 нд кинотетруудаар нээлтээ хийж үзэгч та бүхэндээ толилуулахад бэлэн болжээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.