Намба суудаггүй настан олон болжээ

photo3“Өнгөрсөн цаг хугацаа түүхийг үргэлж санаж, ахмад үеийнхээ гавьяа зүтгэлийг үнэлж хүндэтгэх ёстой” гэж бид үр хүүхдэдээ зааж сургасаар ирсэн. Гэтэл зарим ахмад настан олон нийтийн дунд насандаа баймгүй зан авир гаргаж буй нь олонтаа харагдах боллоо. Нэгэн жишээг энд дурдахад, автобусанд суугаад харьж явтал архи уучихсан, 70 эргэм насны өвөө агсан тавьж, жолоочийг буруутган “Буудлаа зарласангүй. Би залуу насаа та нарын төлөө зориулсан” гэж ирээд ажлыг нь хийлгэхгүй орилж хашгичсаар буув. Үнэндээ автобусны буудал бүрийг чанга яригчаар зарлаж байсан юм. Дээр нь автобусны буудлын нэрийг дэлгэцээр тодоос тод харуулж байна. Үнэндээ тэр хүн эрүүл саруул явж байгаад буух буудлыг нь хэлээгүй жолоочийн буруу байсан бол хэн бүхэн тэр ахмадын талд орж жолоочийг зэмлэх байлаа. Гэтэл байдал эсрэгээрээ учир автобусанд явж буй хүн бүр тэр өвөөг буруутгаж байсан юм. Үүнээс гадна аливаа нэг байгууллагаар үйлчлүүлэхдээ дугаарлаж зогсох, түр зуур хүлээх гэдэг ойлголт зарим ахмадад байдаггүй. Гэхдээ ахмад настнууд дугааргүй үйлчлүүлэх ёстой хэд хэдэн газар байдаг.

Түүнийг нь мэдээд төд удалгүй зам тавьж урдаа оруулах гэж байтал “Залуу хүн байж хурдан хөдлөөч” гэх зэргээр залуусыг доромжлох тохиолдол олныг харж байлаа. Зарим тавьтиргүй өвөө нар өөрийн охин шиг хүүхдээ өдөж хоргоодог гэдгийг ч сонсч л байв. Ер нь иймэрхүү тохиолдол олонтаа л гардаг. “Суудал тавьж өгсөнгүй” гэж уурлан, бухимдаж, өөрийнхөө ач хүү, охин шиг хүүхдийг цохисныг хүртэл харсан удаатай. Залуучуудад үлгэр дуурайл үзүүлэх учиртай ахмадууд нь ингээд байхаар бусдыг нь яалтай ч билээ. Гэхдээ саарын хажуугаар сайн зүйл ч их бий. Залууст үлгэр жишээ болсон ахмад зүтгэлтэн нийгэмд олон буйг энд онцлох хэрэгтэй. Тиймээс нас дагаж намба ирдгийг мэдэхгүй буурайнууд минь өөрсдийгөө нэг дүгнээд үзээрэй. Залуу та ч гэсэн цаг хугацааны эрхээр өтөлж хөгшрөх учраас ахмад үеэ хүндэтгэн харилцаж байх нь зүйтэй юм.

Г.НЯМСҮРЭН

unen.mn


URL:

Tags:

Нэр: Зочин Огноо: 26 January 2018

Өнгөц харахад зөв юм бичээд байгаа юм шиг. Ийм авир гаргадаг өвөө хичнээн байгаа бол гэж бодоход өөр л юм санагдаж байна. Энэ бичээч насаар нь ялгаж бичих гээд байна л даа. 10000-д ганц юмыг битгий бичиж бай. Нийтийг хамарсан гамшгийг бич дээ хүү минь.

Нэр: Lloyd Kronk Огноо: 13 November 2019

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.