СОНГИНОХАЙРХАН ДҮҮРГИЙН ЗАСАГ ДАРГА Ж.САНДАГСҮРЭН ДҮҮРГИЙН АХМАДУУДДАА ХҮНДЭТГЭЛ ҮЗҮҮЛЛЭЭ

Нийслэлийн хамгийн их хүн амтай Сонгинохайрхан дүүрэгт 27,000 гаруй ахмад амьдардаг. 100 насны босго давсан 4 буурай, ахмад дайчин, хөдөлмөрийн баатар, гавьяат эдийн засагч гээд олон алдартнууд тус дүүрэгт харьяалагддаг байна. Дүүргийн Засаг дарга Ж.Сандагсүрэн нийт ахмадууддаа сар шинийн мэнд хүргэж хүндэтгэл үзүүллээ. Тэрээр дүүргийн ахмадуудыгаа залуу хойч үедээ туршлагаа хуваалцахыг уриалж Зөвлөх баг ажиллуулж байгааг онцоллоо. Тэтгэвэрт гарсан ч арвин их туршлагаа хуваалцахын зэрэгцээ цалинтай ажил хийж байгаа 100 гаруй ахмад байгаа ажээ. Сонгинохайрхан дүүрэг 32 хороотой бөгөөд хороо тус бүрт Ахмадын хороо ажилладаг бөгөөд цаашид хороо болгонд ахмадын Зөвлөх баг ажиллуулах юм байна.