“Эрдэнэт” үйлдвэрт шахсан 14 тэрбумын “номын хэрэг”-ийг шүүх хэрхэх бол…

e4ac81185ad01072originalМонголын байгалийн шинжлэх ухааны академийн Ерөнхийлөгч Ж.Гарьдхүү “Эрдэнэт” үйлдвэрээс эрдэм шинжилгээний бүтээл нийлүүлсний төлбөрт 14,6 тэрбум төгрөг нэхэмжилж Орхон аймаг дахь Сум дундын Иргэний хэргийн анхан шатны шүүхэд хандсан. Энэ хэргийг шүүх хэрхэн шийдвэрлэхийг олон нийт ажиглаж байна. Одоогоос дөрвөн жилийн өмнө Монголын байгалийн шинжлэх ухааны академийн Ерөнхийлөгч Ж.Гарьдхүү “Эрдэнэт” үйлдвэрт “Орхон-Сэлэнгийн сав газрыг хамгаалах шинжлэх ухааны үндэслэл” нэртэй 11 боть номыг 14,6 тэрбум төгрөгөөр нийлүүлсэн.

Үүний өмнөхөн УИХ-ын Байгаль орчин, хүнс, хөдөө аж ахуйн байнгын хорооны 2012 оны 12-р сарын зургааны өдрийн тогтоолд Уулын баяжуулах Эрдэнэт үйлдвэр ХХК-д “…Орхон-Сэлэнгийн сав ба бусад нутгийг бохирдуулж буй цагаан тоосыг дарах үйл ажиллагаанд салбарын эрдэмтдийг татан оролцуулж шинжлэх ухааны үндэстэйгээр даруй гүйцэтгэх” үүрэг даалгаврыг тухайн үед тус байнгын хорооны даргаар ажиллаж байсан УИХ-ын гишүүн асан Гарьдхүүгийн Баярсайхан гаргасан байдаг. Угтаа УИХ-ын эрхэм гишүүн асан Г.Баярсайхан аавынхаа номын бизнесийг төрийн бодлогоор дэмжсэн хэрэг. Гэтэл тэрхүү 11 боть номын зөвхөн гуравдугаар ботид “Эрдэнэт” үйлдвэртэй хамаатай асуудал ердөө 70 хуудаст тойм төдий бичигдсэн байна. Өөрөөр хэлбэл 70 хуудас бичвэрийг “Эрдэнэт” үйлдвэр 14,6 тэрбум төгрөгөөр худалдан авчээ. Гэтэл Ж.Гарьдхүүгийн хуулийнхны өмнө дэлгэсэн гэрээнд он, сар, өдөр, “Эрдэнэт” үйлдвэрийн Хууль, эрх зүйн газрын тэмдэг, бүртгэлийн дугаар байхгүй нь хачирхалтай. Номын шахааны зохион байгуулалттай хэрэгт “Эрдэнэт” үйлдвэрийн хуучин захирлууд ч татагдан холбогдож магадгүй байна. Шүүх энэ хэргийг хэрхэхийг харах л үлдлээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.