Бөхчүүд хоёр “ТОЛГОЙ”-той

olloo_mn_1500525569_5bcebd2230c4066c70cdafe35a89dfe0fa067428Монголын Үндэсний бөхийн холбооны тэргүүний асуудал одоог хүртэл эцэслэн шийдэгдээгүй байна. Өнгөрөгч оны тавдугаар сард МҮБХ-ны ээлжит бус “Их эе” хуралдаж бөхийн холбооны тэргүүнээр “Гацуурт”  компанийн ерөнхий захирал Л.Чинбатыг сонгосон. Харин МҮБХ-ны наймдугаар “Их эе” энэ оны гуравдугаар сард хуралдаж МҮБХ-ны тэргүүнээр УИХ-ын гишүүн Б.Бат-Эрдэнийг сонгосон. Ингэснээр үндсэндээ МҮБХ Л.Чинбат, Б.Бат-Эрдэнэ гэх хоёр тэргүүнтэй болоод байгаа юм.  Хоёулаа Монголын Үндэсний бөхийн холбооны тамга тэмдэгтэй.

 

МҮБХ-ны тэргүүн асан Р.Нямдорж ээлжит бус “Их Эе” хурлаар сонгогдсон Л.Чинбатад тамга, тэмдгээ хүлээлгэн өгөлгүй явсаар УИХ-ын гишүүн Б.Бат-Эрдэнэд хүлээлгэн өгөөд сар хүрэхгүй хугацаа өнгөрч байна. Гэвч Дархан аварга Б.Бат-Эрдэнийн хүлээн авсан тамгыг Улсын бүртгэлээс хүчингүйд тооцож МҮБХ-ны шинэ тамгыг бүртгэсэн байх юм. Улсын бүртгэлийн газраас МҮБХ-нд албан ёсны гэрчилгээг 2010 онд олгосон байдаг. Уг гэрчилгээнд нэмэлт өөрчлөлт оруулж МҮБХ-ны тамга тэмдгийг шинээр олгожээ. Оюуны өмч, улсын бүртгэлийн газарт бүртгэгдсэнээр МҮБХ-ны тэргүүн нь Л.Чинбат болж таарч байгаа юм.

 

Гэвч түүнийг бөхийн холбооны “экс” тэргүүн Р.Нямдорж тэргүүтэй хүмүүс мөн л эсэргүүцэж, шүүх цагдаа болно  байх даа. Би, чи гэж бичиг цаас чулуудалцсаар хоёр жилийн нүүр үзэх гэж байгаа учир Р.Нямдоржийн талаас хариу “цохилт” хийх нь дамжиггүй. Энэ тэмцэл хэзээ дуусч, бөхийн холбоог Л.Чинбат, Б.Бат-Эрдэнэ хоёрын хэн нь удирдахыг таахад бэрх.

 

Л.Чинбатын талаас “Хэдий болтол бид халх дөрвөдөөрөө, хамаатан саднаараа, аймаг хошуугаараа, ахмад залуугаараа хэн нэгний хатгаасаар сөргөлдөх вэ. МҮБХ-ны шинэ тэргүүнийг дэмжиж, хамтран ажиллахыг нийт бөхчүүд, ард түмнээсээ хүсч байна” гэх уриалгыг гаргажээ.

 

Үнэндээ энэ уриалгыг байр сууриа булаалдан бүтэн жил “хэрэглэж” буй өөрсдөд нь л хэлмээр байна. Хэдий болтол бөхчүүд хоёр “толгой”-той  явах  вэ?!

 

Г.Тэгшсүрэн


URL:

Нэр: http://fiverr.com/eebest8 Огноо: 20 April 2018

“Nice blog here! Also your web site loads up fast! What web host are you using? Can I get your affiliate link to your host? I wish my website loaded up as quickly as yours lol”

http://fiverr.com/eebest8

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.