Г.Баасан АТГ-ын дарга болох хууль зүйн шаардлага хангасан уу

баасан(5)Авлигатай тэмцэх газрын Олон нийтийн зөвлөлийн дарга Г.Баасан ээлжит хэвлэлийн бага хурлаа өчигдөр /2018.04.16/ хийж, авлигын эсрэг ард түмний индэр болж, хошуучлан ажиллахаа мэдэгдсэн.

Ингэхдээ тэрбээр авлигын тухай мэдээллийг тус зөвлөл хүлээн авахаа ч мэдэгдэв. Түүнээс сэтгүүлчид “АТГ-ын даргад таны нэр дуулдаж байгаа. Та ямар байр суурьтай байгаа вэ” гэсэн асуултыг асуухад “Олон нийт надад итгэл хүлээлгэвэл би АТГ-ын дарга болоход бэлэн. Би шаардлага хангаж байгаа” гэсэн хариу өгсөн.

УИХ-ын хаврын чуулганы нээлт дээр Ерөнхийлөгч Х.Баттулга АТГ-ын дарга Х.Энхжаргалыг өөрчилнө гэдгээ мэдэгдсэн билээ. Үүний хариуд АТГ-ын дарга Х.Энхжаргал сэтгүүлчдийн тавьсан асуултад “За яахав ээ, бүгдээрээ л тэгж байгаа ш дээ. Хуулийн байгууллага хуулийнхаа дагуу ажлаа явуулж байгаа. Үүнийг хэн яаж дүгнэх нь тухайн хүмүүсийн л асуудал” гэсэн тайлбар өг юм.

Х.Энхжаргал нь 2016 онд АТГ-ын даргаар томилогдсон. Түүний бүрэн эрхийн хугацаа хуулийн дагуу 2022 онд дуусна. АТГ-ын даргад тавигддаг шаардлага нь төрийн албанд 10-аас доошгүй жил ажилласан, эрх зүйч мэргэжилтэй байх шаардлагатай гэсэн хуулийн заалттай.

Г.Баасан 2009-2012 онд ХИС-д суралцаж, хуульч болсон. Тэгэхээр Г.Баасан АТГ-ын дарга болно гэдэг хуулиар бол мөрөөдөл. Мөн Г.Баасан нь аль хэдийн тэтгэврийн насанд хүрсэн учраас албан тушаалд томилогдох ёсгүй.

Тэгээд ч АТГ-ын дарга болгох асуудлыг олон нийт шийдэхгүй. АТГ-ын даргад хэн нэгнийг санал болгох эрх Ерөнхийлөгчид байгаа бөгөөд УИХ-ын олонхийн саналаар дэмжих эсэхийг шийднэ

Gereg.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.