Японы Икома хотод тамхи татсан хүмүүсийг 45 минутын дараа лифтэнд оруулах дүрэм гаргажээ

19820

Японы Нара мужийн Икомахотын захиргаа өөрийн байранд нэгэн сонирхолтой журам хэрэгжүүлж эхэлсэн нь зарим хүмүүсийн талархлыг хүлээж, заримд нь шүүмжлүүлж байгаа гэнэ.

Хотын захиргааны байранд ажиллагсад болон зочлон ирэгсэд хэрвээ тамхи татсан бол 45 минут хүлээсний дараа цахилгаан шатанд сууж байхаар журамд зохицуулжээ.

Шууд бус тамхидалтын хорноос бусад хүмүүсийг сэргийлэхийн тулд тамхичид 45 минутын хугацаанд утаанаасаа салж, “ариусах” ёстой болж байгаа гэнэ.

Битүү, орон зай багатай орчинд дам тамхидалтын хор нөлөө нэмэгддэг гэх үндэслэлээр ингэх болсон байна. Цахилгаан шатны журам энэ дөрөвдүгээр сараас хэрэгжиж эхэлжээ.

Журмыг зөрчигсдөд ямар нэг торгууль шийтгэл байхгүй ч хотын захиргаа уг дүрмээ сахихыг хэнд ч шаардах эрхтэй болж байна.

Үүнээс гадна Икома хотын захиргаа ирэх зургаадугаар сараас гудамж талбайд тамхи татсан этгээдэд 20,000 иений ($187) торгууль тавихаар төлөвлөжээ.

Жил бүр Японд 15,000 хүн дам тамхидалтын хорноос үүдэлтэй зүрх судас, уушги, тархи мэдрэлийн өвчлөлөөр нас бардаг гэсэн тоо бий.

Эх сурвалж: Asahi Shimbun

Э.СЭМҮҮН, IKON.MN


URL:

Нэр: http://fiverr.com/eebest8 Огноо: 20 April 2018

“I appreciate you sharing this article post.Really looking forward to read more. Want more.”

http://fiverr.com/eebest8

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.