Хүйтний улиралд замын нөхөөс хийх ажлыг туршжээ

Улсын чанартай 13218 км замыг өвлийн улиралд хэрэглэгчдэд саадгүй болгох явдал нэн чухал.

Энэхүү хэсгүүдэд шинээр барьсан байр, гражийн тохижилт ямар байх, машин, механизмын бэлэн байдал, хариуцсан замаа хэрхэн арчилж хамгаалж байгаа талаар үзүүлэх сургуулийг “Дархан-АЗЗА”, “Сэлэнгэ-АЗЗА” компаниудын жишээнд олон улсын болон улсын чанартай А0402, А0403 дугаарын замууд дээр зохион байгуулж зам хариуцагч байгууллагуудын 60 гаруй ажилтныг оролцуулсан байна.

“Дархан-АЗЗА”-ийн хамт олон Дархан-Эрдэнэтийн чиглэлийн замд Хөтөл тосгонд өөрсдийн хүчээр 100 гаруй сая төгрөгөөр хоёр давхар байр, дулаан гражийг уурын зуухтайгаар барьж ашиглалтад оруулжээ. Улмаар замчид цаг агаарын ямар ч нөхцөлд тохь тухтай ажиллаж, машин техникээ бэлэн байлгаснаар хариуцсан зам дээрээ ажиллахад хэзээд бэлэн байх боломжтой болж байгаа юм байна.

Мөн энэ байраа ашиглаж хойд болон төвийн бүсийн замчдад мэргэжлийн сургалтууд явуулахаар төлөвлөж байгаа аж.

Үзүүлэх сургуулийн үеэр Канад улсад үйлдвэрлэсэн хүйтэн асфальтаар хүйтний улиралд замын нөхөөс хийх ажлыг туршжээ.

Б.Баатар


URL:

Tags:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.