49 хувийг Увсынхан авахыг оролдсоор…

erdenet 49 huw erdnetinfoУИХ-ын гишүүн, Хууль зүйн сайд Ц.Нямдорж “Эрдэнэт”-ийн 49 хувийг Монголд авчирсанд ихээхэн эгдүүцсэн хүн. Тэрээр 49 хувийг улсын мэдэлд авахдаа алсуур шахаа хийж хоёр талаас хувь нийлүүлж, гуравдагч этгээдийг бий болгохыг ихээхэн хичээж эхэлсэн билээ.

Үнэндээ тэр “Эрдэнэт” үйлдвэрт шахаа хийж гаршсан нэгэн. Сүүлийн үед чимээгүй болсон нь шахааг гардан гүйцэтгэгч Анхбаяр нь баригдаад сандарч байгаа ажээ. Үнэндээ “Эрдэнэт” үйлдвэрийн 49 хувийг Увсынхны компани авахаар оролдоод чадаагүй учраас ямар ч аргаар хамаагүй “Ростех”-тэй хийсэн наймааг буцаах гэж оролдоод бүтэхгүйг ойлгожээ. Тиймээс ЗГ-ын 51 хувь ба “Монголын зэс”-ийн 49 хувиас тус бүр 10-15 хувийг гаргуулж авахыг оролджээ.

Учир нь манай UBS-ынхэн үйлдвэрийг урьдчилгаа төлж аваад, 2-3 жилд 450 сая ам.долларыг цувуулан өгөх санал тавьсан байжээ. Харин “Монголын зэс” мөнгийг шууд өгөх санал тавьсан учраас “Ростех” Монголын зэсийг сонгожээ.

Монголын талын 49 хувийг авахаар Казахстаны Балхашийн зэс хайлуулах үйлдвэрийнхэн оролцсон консорциум, Хятадын зэсийн үйлдвэрийн консорциум өрсөлдсөн  ч Монголын компани авсан байна. Харин манай Увсынхан алинтай нь хамтарсан нь тодорхой буй байна. Одоо UBS намынхан сүүлийн сумаа тавьж УИХ-ын гишүүн Ц.Нямдоржийн оронд Ерөнхий сайд асан Н.Алтанхуягийг гол дүрд тоглуулж эхэлжээ.

 

            Стандарт банктай хийсэн арбитрын маргаанд санаатай ялагджээ

Эрдэнэтийг барьцаанд тавьсан асуудал гарч ирснээр эрх баригч МАН-ынхан сандарч эхлэв. Гэхдээ бүгдээрээ биш л дээ. Баярласан фракцууд ч бий.

Учир нь МАН-д “нууц ноён”-ы дүрээр хувийн эрх ашгаа тулгадаг С.Баяр, Н.Багабанди тэргүүтэй хууччуулын фракцыг дарж авах бололцоо шинэ үеийнхэнд олдоод байна. Эрдэнэт үйлдвэрийн дарга байсан Ч.Ганзориг нарын үйлдвэрийн удирдлага, УИХ-ын гишүүн Ц.Нямдорж тэргүүтэй шахаачдын бүлэг, С.Баяр-Н.Багабандийн зохицуулагч бүлэг энэ асуудалд хамрагдан улстөрөөс шахагдах нь тодорхой байна. С.Баярыг суллаж гаргах оролдлого нь бүтэлгүйтсэний дараа тэд улам сандарч эхэллээ. Ингэснээр “Эрдэнэт”-ийн будлианаар МАН-д үе халагдах нь бололтой. Өмнө нь Н.Энхбаяр энэ бүлэглэлийг завлах гээд чадалгүй өөрөө шоронд орж дууссан түүхтэй, тийм хүчирхэг бүлэглэл юм.

Харин “Эрдэнэт”-ийн ӨАБНУ-ын (одоо Хятадын ICBC банкны мэдэлд орсон) “Стандарт” банктай хийсэн арбитрын маргаанд ялагдуулах ажлыг Монголын талыг төлөөлж оролцсон хуулийн фирм санаатай хийсэн байна. Энэ фирм нь Гадаад хэргийн сайд байсан УИХ-ын гишүүн Ц.Мөнх-Оргилын хувь нийлүүлж байгуулсан компани юм. Монголын гадаадтай хийж буй арбитрын маргаан бүрт энэ компани Монголыг төлөөлж оролцдог ч Монголыг ялагдуулж, нөгөө талаас хувиа авдаг бизнест гаршаад байгаа юм билээ.

Ц.Мөнх-Оргил бол Ц.Нямдоржийн нөмөр дор Хуульзүйн дэд сайдаас карьераа эхэлснийг сануулах хэрэгтэй байх.

 

 


URL:

Нэр: ZOCHIN Огноо: 17 May 2018

ТАРХИ УГААЛТ

Нэр: c3wm54no7tebcomvvnwecttv54t Огноо: 13 August 2018

Title

[...]Every the moment in a though we choose blogs that we study. Listed beneath are the most recent web sites that we decide on [...]

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.