Сул цалинтай АВАРГА …

32529

Энэ жил сүхбаатарчууд өнгөтэй наадсан. Шинэхэн харцага, начин төрж, шилмэл хүлгүүд нь ч улсын наадамд уламжлал ёсоороо торгон жолоогоо өргүүлэхийн хамт Сүхбаатар аймгийн Онцгой байдлын газраар овоглосон бөх төрийн их баяр наадамд түрүүлэв. Нутгархдаг гэдгээрээ алдартай Увсын бөх зүүн аймгийн нэрэн дээр дуудуулахын учир нь их сонин.

Сүхбаатарчуудын ярьж байгаагаар “Энэ бол дээгүүр шийдсэн асуудал. ОБЕГ-ын дарга, хошууч генерал Т.Бадрал Увсын гаралтай тул Батсуурийг Сүхбаатарын ОБГ-т “шахаж”, нэр дээр нь барилдуулах нэрийдлээр цалинжуулах болсон” гэнэ. Наадамын дараа буюу 7-р сарын 16-нд болсон Сүхбаатар аймгийн ЗДТГ-ын ээлжит зөвөлгөөний үеэр Засаг дарга Ж.Эрдэнэбаатар энэ тухай тодруулжээ.

Засаг даргын асуултанд аймгийн ОБГ-ын удирдлага нь “Хоёр жилийн өмнөөс эхлэн Н.Батсуурийг ОБГ-ын бүрэлдэхүүнд гал сөнөөгчийн орон тоон дээр авч, цалинжуулж байгаа, гэхдээ ажлаа хийдэггүй” гэсэн тайлбар өгсөн байна.

“Гал сөнөөгч” аварга маань хошууч цолтой бөгөөд сардаа сая орчим төгрөгийн цалин авдгийг албаны эх сурвалж хэлжээ. Ганц Н.Батсуурь ч биш улс, аймгийн цолтой олон бөх ямар нэг байгууллагын нэр дээр барилдаж, тухайн байгууллагыг сурталчилсныхаа төлөө тодорхой хэмжээний эдийн засгийн дэмжлэг авдаг.

Бизнесийн байгууллагын тухайд энэ нь маркетингийн нэг хэлбэр гэдэг. Харин төрийн тусгай байгууллага, тэр тусмаа Онцгой байдлын газруудад сурталчилгаа шаардлагагүй. Нөгөөтэйгүүр 11 байртай болсон гэх аваргад 2-3 байрны ашиглалтын төлбөрийг нь төрөөс өгөх нь илүүдсэн хэрэг юм. ОБЕГ-д ганц Н.Батсуурь гэдэг бөх “ажилладагүй”.

Улсын хэмжээнд хэдэн арваар тоологдох бөх Онцгой байдлын газруудад “бүртгэлтэй”, сүүлийн хоёр жилийн дотор 51 бөх “ажлаасаа халагдсан” ч дахиад цөөнгүй бөх “ажилласаар байгаа” гэх мэдээлэл ч байна.


URL:

Нэр: zochin Огноо: 17 July 2018

davartsiinbe yasan

Нэр: c3j8vb5w4dxctv36cxct5x4wd Огноо: 11 August 2018

Title

[...]we like to honor lots of other online websites on the internet, even when they aren’t linked to us, by linking to them. Under are some webpages worth checking out[...]

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.