Юутай л нөхөрлөөд байна даа
Бумба овогтой Баасанбадам хуудаснаас
Ядруу явахад зандрах нь ихэдсэн хорвоод
Ялгаварлаж харьцах үзэл хужаа нар шиг олширч
Ялаа шумуул шиг алуур барьсан түшээдээс айж
Ялзарч муудсан энэ сэтгэхүйг нойлын ус шиг урсгахсан
Зүдрүү явахад архирах нохдоор хүрээлэгдсэн орчлонд
Зүүгээр шивэх шиг хорон үгс нь улам баяжаад байх шиг
Зүүдэнд хүртэл өрөө нэхэх халаас сэгсрэгч банкнаас
Зүлэг ногоо ургадаггүй цөлжсөн газар шиг болох нээ
Гундуу явахад гишгэлдэг дээрэлхүү занд эзэмдүүлж
Гуунд овоорсон хог шиг нэг газартаа бөөгнөрч
Гутлын уланд наалдсан шавар шавхай шиг бодлыг
Гунигт энэ муу үзэлтэй хамт савантай усанд угаахсан
Нэгнээ хэмлэж доромжлоод түүнээс таашаал мэдэрч
Нэгхэн тахалд дарлуулж оюун санаагаа бохирдуулж
Нэрмэлийн дусал шиг шим шүүсээ соруулсаар
Нэг л мэдэхэд бид чинь адгууснаас дор болох нь ээ
Бумба овогтой Баасанбадам
2017-10-24 нд
URL:
