“Омбол” компани нь Ж.Отгонболдынх уу, Г.Батбаатарынх уу

15365449175b95d09581498Үндэсний ууган сургуулиудын нэг болох Анагаахын шинжлэх ухааны үндэсний их сургууль тойрсон асуудал өнөөдөр анхаарлын төвд байна гэхэд болно. Учир нь тус сургуулийн захирал асан Г.Батбаатар, Хангамж үйлчилгээний газрын дарга асан Ц.Батхуяг 358,4 сая төгрөгийн тендер будлиантуулсан, мөн Ц.Батхуяг ажлын байран дээр согтуугаар ирж агсан согтуу тавьсан шалтгаанаар ажлаас чөлөөлөгдсөн байтал өөрийгөө багшийн тоонд оруулчихсан тууж явсан. Тэгвэл Нүүр ам судлалын сургуулийн тоног төхөөрөмжийн тендер мөн будлиантай болж захирал Ж.Отгонболд ажилдаа байх эсэх нь хутганы ирэн дээр байна. 300 сая төгрөгний шүдний тоног төхөөрөмж авах байсан нь эцэстээ 149 сая есөн зуун мянган төгрөг болж, “Омбол” компаниас нийлүүлсэн 26 ширхэг шүдний машинд техникийн дүгнэлт хийхэд шаардлага хангаагүй байна. Тодотговол, нийт 52 ширхэг хурдан эргэлтийн наконечник дагалдаж ирсний 23 ширхэг нь эвдэрсэн бол удаан эргэлтийн 26 наконечник дагалдаж ирснээс 12 ширхэг нь эвдэрсэн аж. Үүнээс гадна дөрвөн ширхэг машины ус агаарын типний хийгээр үлээдэг хэсгээс  ус холилдон гарсан, бүх шүдний машины гэрлийг тохируулахад хөдөлгөөн чөлөөтэй бус зуурдаг, 10 ширхэг шүдний машины тохойвч боолтгүй ирсэн, гурван ширхэг машины нулимуурын шүлс хаях хэсэг цуурсан учраас бохир гоождог, 12 ширхэг машины хурдан эргэлтийн хоолой болон чулуу авагчийн хоолойноос байнга ус алддаг, таван ширхэг машины шүлс сорогчийн хоолой хагарсан, нэг машины суудал дээш доош болдоггүй эвдэрхий гэсэн дүгнэлтийг тус тус гаргажээ. Авсан тоног төхөөрөмж нь нэг сар ажиллааад  бүгд эвэдэрсэн байна. Иймд “Омбол” ХХК-иас нийлүүлсэн тоног төхөөрөмж нь шаардлага хангахгүй байгаа нь ч асуудал дагуулж буй.

Техникийн шаардлага хангаагүй тоног төхөөрөмж оруулж ирсэн “Омбол” компани чухам Г.Батбаатарын танил талынх уу, эсвэл Ж.Отгонболдын танил талынх уу гэдгийг ч тогтоох хэрэгтэй гэдгийг тус сургуулийн багш ажилчид үзэж байна.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.