АМГТГ Х.ХЭРЛЭН ДАРГААСАА ТОМ, ХУУЛИАС ДЭЭГҮҮР ХЭЛТСИЙН ДАРГАТАЙ БОЛЖЭЭ

olloo_mn_1538537868_nuurУг нь АМГТГ-ын даргаар Х.Хэрлэн гэдэг хүн ажилладаг юм. Өмнө нь энэ албыг хашиж байсан туршлагатай хүн бий. Тиймээс энэ газартай холбоотой элдвийн хэл ам түүнийг томилогдож очсоноос хойш чимээ сураг алдарч эхэлсэн. Гэтэл ойрноос АМГТГ-тай холбоотой таагүй мэдээлэл чих дэлсэх боллоо. Уул уурхайнхан өөд муутайгаар яриад эхлэв.Учрыг ухвал АМГТГ-ын дарга Х.Хэрлэнгээс илүү эрх мэдэлтэй, хуулийг гууль болтол “янзалж” чаддаг Хууль, эрх зүйн хэлтсийн дарга тэнд бий болжээ. Нэрийг нь Жалбаагийн Батмагнай гэдэг гэнэ.

Ж.Батмагнай гэж хэн бэ, юу хийж, яаж явдаг нөхөр вэ гэдгийг уул уурхай, ашигт малтмалын салбарынхан сүүлийн үед мэддэг болчихсон байна.  Энэ зард гарч яваа нөхрийн талаар хэдхэн баримт хэлэхэд л хангалттай юм байна.

Баримт 1. ЦЕГ-ын Мөрдөн байцаах газраас “Гоби Коул энд Энержи” ХХК-ийн ашиглалтын болон хайгуулын лицензийг түдгэлүүлсэн тогтоол гаргаж, үүнийгээ 2016 оны хоёрдугаар сард 11/4-1167 тоот албан бичгээр АМГТГ-т ирүүлжээ.

Гэтэл Ж.Батмагнай тус компанид 2017 оны аравдугаар сарын 31-нд “…Танай компанийн эзэмшлийн MY-020738 тоот лиценз нь эрх бүхий байгууллагаас захиран зарцуулах эрх болон шилжилт хөдөлгөөнийг хязгаарласан талаар бүртгэлгүй байна” гээд 8/7678 тоот албан бичиг хийгээд өгчихжээ.

Үүнийг нь үндэслээд Кадастрын хэлтсийн дарга  Д.Дашзэвэг нь  “Гоби Коул энд Энержи” ХХК-ийн эзэмшлийн MY-020738 тоот лицензийг 2018 олны гуравдугаар сард өөр компани руу шилжүүлчихсэн байгаа юм.

Харин энэ бүх ажлаа амжуулсны дараа Ж.Батмагнай өөрөө уснаас хуурай гарахын тулд дарга нартаа “…ЦЕГ-ын Мөрдөн байцаах газраас түдгэлзүүлсэн “Гоби Коул энд Энержи” ХХК-ийн ашиглалтын болон хайгуулын лицензийг мэргэжилтэн Ц.Баатарбилэг, Ч.Амгалан нар бусдад шилжүүлчихлээ” гэж матаад лиценз шилжүүлэх өргөдлийг хүлээн авсан мэргэжилтэн Ц.Баатарбилэг, эрх зүйн шүүлт хийсэн Ч.Амгалан нар  арга хэмжээ авахуулсан байна.

Баримт 2. АМГТГ-ын Хууль, эрх зүйн хэлтсийн дарга Ж.Батмагнай ашигт малтмалын лиценз дахин сэргээдэг сүлжээний гол хүнээр нэрлэгдээд байна. Уг нь устаж алга болоод байсан уг сүлжээний талаар Хууль зүйн сайд асан Х.