Саудын Арабын хаан Туркийн ерөнхийлөгчтэй утсаар ярьжээ

712-15395657425bc3e681d4f01

Саудын Арабын хаан Сальман бен Абдель Азиз Аль Сауд Туркийн Ерөнхийлөгч Режеп Тайип Эрдогантай өнгөрсөн ням гарагт утсаар ярьжээ. Энэ үеэрээ тэрбээр сэтгүүлч Жамаль Хашоггийн алга болсон хэргийг мөрдөн шалгах асуудлыг хариуцсан хамтарсан бүлэг байгуулах санааг дэмжиж байгаад нь Т.Эрдоганд талархал илэрхийлжээ.

Саудын Арабын хаан хоёр улсын харилцааны тогтвортой байдлыг онцлон тэмдэглэжээ.
Харин Туркийн ерөнхийлөгч Т.Эрдоган хоёр улс хийгээд ард түмний ахан дүүсийн, түүхэн харилцаа холбоог өндрөөр үнэлж, энэ харилцаа холбоог бэхжүүлэхийг эрмэлзэж байгаагаа цохон тэмдэглэсэн байна.
Саудын Арабын сэтгүүлч Жамаль Хашогги нь Саудын Арабын эрх баригчдын бодлогыг шүүмжилдгээрээ алдартай нэгэн бөгөөд тэрбээр бичиг баримт бүрдүүлэхээр энэ сарын 2-нд Туркийн Истанбул дахь Саудын Арабын Ерөнхий Консулын газар руу явснаасаа хойш холбоо бариагүй юм. Түүнийг Дипломат төлөөлөгийн газрын байранд хөнөөсөн гэх хувилбарыг Туркийн цагдааа нар хэлэлцэж байгаа талаар “Ройтерс” агентлаг энэ сарын 6-нд мэдээлсэн бол Саудын Арабаас АНУ-д суугаа элчин сайд, хунтайж Халед бен Сальман бен Абдель Азиз Аль Сауд энэхүү мэдээллийг няцаасан юм.
Э.Аянзаяа
Эх сурвалж: Монцамэ агентлаг

URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.