ЭКО КОНСТРАКШН ХХК-ИЙН БАРИЛГЫН ХАШААНД ҮЙЛ АЖИЛЛАГАА ЯВУУЛЖ БАЙСАН ОБЪЕКТЫН ХАЛААЛТЫН ЗУУХЫГ ЗОГСООЛОО

bdnyfullsizejyb

Нийслэлийн шуурхай албаны 310005 дугаарын утсаар “Орон сууцны хороолол дунд уурын зуух ажиллуулж утаа гаргаж байна шалгаж өгнө үү” гэсэн иргэнээс ирүүлсэн гомдлын дагуу Хан-Уул дүүргийн 11 дүгээр хороо Маршал таун хотхоны баруун талд байрлах Эко констракшн ХХК-ийн барилгын хашаанд хяналт шалгалт хийлээ. Шалгалтаар харуулын 4 байр, 3 түр сууц, агуулах, цайны газрын халаалтад түүхий нүүрс хэрэглэн халаалтын зуух ашиглаж байгаа нь Агаарын тухай хуулийн 16-р зүйлийн 16.1.2 дахь /агаар бохирдуулах бодис ялгаруулдаг үйлдвэрлэл, үйлчилгээ эрхлэхыг хориглоно/ заалт, 18-р зүйлийн 18.1. дэх /Аж ахуйн нэгж, байгууллага, иргэн агаарын бохирдлын томоохон суурин эх үүсвэр ашиглаж үйлдвэрлэл, үйлчилгээ эрхлэхдээ мэргэжлийн албаар дүгнэлт гаргуулан сум, дүүргийн Засаг даргаас зөвшөөрөл авна./ заалт, Байгаль орчинд нөлөөлөх байдлын үнэлгээний тухай хуулийн 7 дугаар зүйлийн 7.2 дахь хэсэг, Байгаль орчны сайд, Нийслэлийн Засаг даргын хамтарсан тушаал/захирамжаар батлагдсан Агаарын чанарыг сайжруулах бүсэд мөрдөх журмын 4.2 /Агаарын чанарыг сайжруулах 1, 2 дугаар бүсэд ажиллаж, амьдарч байгаа иргэн, хуулийн этгээдэд Агаарын тухай хуулийн 16.1.1-16.1.4-т заасан үйл ажиллагаа явуулахыг хориглоно./ заалтуудыг тус тус зөрчиж байна.

Иймд Прокурорын зөвшөөрлийн дагуу халаалтын зуухны үйл ажиллагааг зогсоон лацдаж, Зөрчил шалган шийдвэрлэх ажиллагаа явагдаж байна.

 


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.