Үндсэн хуульд өөрчлөлт оруулахыг эсэргүүцсэн жагсаал цуглаан Македонд болжээ

712-15425967615bf22a7488eb1

Македонд өнгөрсөн ням гарагийн орой болсон үндсэн хуульд өөрчлөлт оруулахыг эсэргүүцсэн өргөн хүрээтэй жагсаал цуглаанд хэдэн мянган хүн оролцжээ. “ТАСС” агентлагийн мэдээлснээр, цаг агаарын нөхцөл байдал таагүй байсан хэдий ч Македонийн далбааг барьсан жагсаал цуглаанд оролцогчид парламентын байрны өмнө цугларсан байна.

Үндсэн хуульд өөрчлөлт оруулах үйл явцыг зогсоох, Македон, Грекийн хооронд байгуулсан Преспанийн хэлэлцээрийг хүчингүй болгох, улс төрийн дотоод эрх зүй болон олон улсын эрх зүйг хүндэтгэх, Бүгд Найрамдах Македон улсын нэрийг хамгаалах, парламентыг тараах, парламентын ээлжит бус сонгууль явуулах зэрэг шаардлагыг жагсаал цуглаанд оролцогчид засгийн газарт хандан тавьсан байна.
Үндсэн хуульд оруулахаар завдаж буй нэмэлт өөрчлөлтүүд нь “Бүгд  Найрамдах Македон Улс” нэрийг “Бүгд Найрамдах Умард Македон Улс” болгож өөрчлөхийг заажээ.
Э.Аянзаяа
Эх сурвалж: Монцамэ агентлаг

URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.