Ерөнхий сайд ЖДҮХС-гаас зээл авсан Ш.Лхамсүрэн, Ц.Ням-Осор, Д.Баярсайхан, Ц.Амарсанаа нарыг албан тушаалаас нь огцруулах шаардлага тавьжээ

Жижиг дунд үйлдвэрийг хөгжүүлэх сангаас өөрийн нэр бүхий хамааралтай компаниудаар зээл авсан гэх улс төрийн дөрвөн албан тушаалтныг ажлаас нь чөлөөлөхөөр болжээ.

Тэгвэл Ерөнхий сайд У.Хүрэлсүх ЖДҮХС-гаас зээл авсан:

• БХБ-ын дэд сайд Ш.Лхамсүрэн,
• УБЦТС ТӨХК-ийн Захирлуудын зөвлөлийн дарга бөгөөд Гүйцэтгэх захирал Д.Баярсайхан,
• Төрийн өмчийн бодлого, зохицуулалтын газрын дарга Ц.Ням-Осор,
• “Барилгын хөгжлийн төв” ТӨҮГ-ын захирал Ц.Амарсанаа нарыг албан тушаалаасаа өөрийн хүсэлтээр чөлөөлөгдөх шаардлага тавьжээ.

Харин ЖДҮХС-гаас зээл авсан асуудалд холбогдсон УИХ, Засгийн газрын гишүүнийг эгүүлэн татах зэрэг нь УИХ-ын бүрэн эрхэд хамаарч байна.

Dorgio.mn