Тэмээн жингээр ном хүргэж байна

47454698_976382745897448_9181681184449495040_n

Дорноговь аймгийн Улаанбадрах сумын уугуул Монгол Улсын Соёлын гавьяат зүтгэлтэн, Д.Нацагдоржийн нэрэмжит шагналт, “Болор цом”-ын эзэн, яруу найрагч Арлааны Эрдэнэ-Очир агсны олон жил ярьж төлөвлөж байсан ажлыг үргэлжлүүлэхээр түүний үр хүүхдүүд, анд нөхөд, гэр бүлийнхэн нь Арлааны Эрдэнэ-Очир санг байгуулжээ.

Тус сангийн анхны ажил болох “Миний цуглуулсан хорвоо” тэмээн жингээр ном хүргэх төслийн ажлыг өнөөдөр буюу 12 дугаар сарын 06-ны өдөр Сайншанд Хамрын хийдээс наран ургах цагаар 9 тэмээ, 18 авдарт, 1700 гаруй номыг Улаанбадрах сумын сургуульд хүргэхээр жингийн цуваа хөдөллөө.

Энэхүү үйл ажиллагаанд аймгийн Иргэдийн Төлөөлөгчдийн Хурлын дарга С.Түмэнбаяр, аймгийн ЗДТГ-ын Б.Ганзориг, Улаанбадрах сумын удирдлагууд оролцож жинчиддээ амжилт хүсэн, баяр хүргэв.

Л.Сайнаа


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.