Өвөрхангайгаас зургаан настай “Дэлхийн аваргууд” төрлөө

5c1105a64fef6

Өвөрхангай /МОНЦАМЭ/. Өвөрхангай аймгаас анх удаа соробан сампин цээж тооллын төрлөөр дэлхийн аварга төрлөө.

Энэ сарын 9, 10-нд Малайз улсын Куала Лумпур хотод болсон Олон улсын 23 дахь удаагийн Соробан сампин, цээж тооллын аварга шалгаруулах тэмцээнд Монгол Улсаас 5-13 насны нийт 53 хүүхэд оролцсон юм.

Тэд тэмцээний есөн ангилалд дэлхийн 40 орны 3000 орчим хүүхэд багачуудтай өрсөлдөн  47 цомтой иржээ. Түүний дотор Өвөрхангайн бяцхан иргэд 5 медалийг авчирсан байна. Зургаан настай оролцогч Э.Наранбат, Ж.Тэмүүн нар “Дэлхийн аварга” болж, Б.Эмүжин, Э.Энэрэл нар “Алтан цом”, А.Үнэнзаяа “Мөнгөн цом”-ын эзэд боллоо.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.