NBA-ын багууд Энэтхэгт анх удаа тоглоно

5c1c7a11f3e33Ирэх онд “Индиана Пейсерс” болон “Сакраменто Кингс” баг улирлын өмнөх хоёр тоглолтоо Энэтхэгийн Мумбай хотод хийхээр болсон тухай АНУ-ын Үндэсний сагсан бөмбөгийн холбооноос/NBA/мэдээлэв.

NBA-ын багууд Энэтхэг улсад анх удаа тоглолт хийх гэж буй нь энэ ажээ. Дээрх хоёр багийн тоглолт 2019 оны 10 дугаар сарын 4-5-нд болох юм байна.

Үндэсний сагсан бөмбөгийн холбооны коммиссар Адам Силвер энэ тухай хэлэхдээ, залуучууд олон, хүн ам ихтэй Энэтхэг улсад спортын соёл хүмүүжлийг сурталчлах нь нэр төрийн хэрэг хэмээгээд, Пейсерс болон Кингс багийн зохион байгуулагчдад талархаж буйгаа илэрхийлжээ.

“Энэтхэгт зохион байгуулахNBA-ын анхны тоглолтод манай баг оролцох болсонд баяртай байна. Түүнчлэн Ази-Америк гаралтай миний хувьд өсөж төрсөн эх орондоо болох түүхэн үйл явдлыг бүтээхэд хувь нэмрээ оруулж буйдаа баяртай байна” гэж “Сакраменто Кингс” багийн эзэн Вивек Ранадиве хэлсэн байна.

montsame.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.