Нөхрөөсөө салсны дараа дэлхийн хамгийн баян эмэгтэй болж магадгүй байна

85

Америкийн “Amazon” компанийн тэргүүн Жефф Безосын гэргий Жефф Безос Маккензи нөхрөөсөө салсны дараа 69 тэрбум ам.долларын хөрөнгийг эзэмшин, дэлхийн хамгийн баян эмэгтэй болж магадгүй байгаа тухай  “Bloomberg” агентлаг мэдээлсэн байна.

Тус агентлагийн мэдээлснээр, Жефф Безосын хөрөнгө 137 тэрбум ам.доллараар үнэлэгддэг бол “Forbes” сэтгүүлийн хувилбараар 150 тэрбум ам.доллараар үнэлэгддэг байна. Амазоны үүсгэн байгуулагч болон тус компанийн төлөөлөгчид гэр бүлийн гишүүдийн санхүүгийн хөрөнгийг хэрхэн хуваарилах талаар хараахан тайлбар өгөөгүй байгаа гэнэ. Гэсэн хэдий ч Нью-Йоркийн хуульчдын үзэж байгаагаар хосуудын хөрөнгийг тэнцүү хувааж магадгүй байгаа аж.

Маккензи нөхрийнхөө хөрөнгөнөөс 1 хувийг авсан ч дэлхийн хамгийн баян эмэгтэйчүүдийн тоонд багтана гэж  “Bloomberg” агентлаг мэдээлжээ.

Одоогоор L’Oreal гоо сайхны бүтээгдэхүүн үйлвэрлэгч компанийг үүсгэн байгуулагчийн ач охин Франсуаз Беттенкур Майерсдэлхийн хамгийн чинээлэг эмэгтэйд тооцогдож байна. Түүний хөрөнгө 45,6 тэрбум ам.доллараар үнэлэгддэг аж.

Дэлхийн хамгийн чинээлэг хүнээр тодорсон “Amazon” компанийн тэргүүн Жефф Безос болон түүний гэргий Маккензи Безоснар салах шийдвэр гаргасан тухайгаа өмнө нь “Твиттер” хуудсаараа дамжуулан мэдэгдсэн юм.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.