Индонезид осолдсон нисэх онгоцны хар хайрцгийн дуу хураагуурыг олжээ

5c3c20d46b135Өнгөрсөн оны 10 дугаар сард Индонезид осолдсон агаарын тээврийн “Lion Air” компанийн зорчигч тээврийн нисэх онгоцны хар хайрцгийн дуу хураагуурыг олсон тухай тус улсын холбогдох албаны төлөөлөгч мэдээлэв.

Уг нисэх онгоц нь Жакарта хотоос Пангкал Пинанг хотыг зорин хөөрснөөс хэдхэн минутын дараа Ява тэнгист осолдож, бүхээгт байсан 189 хүн бүгд амь үрэгдсэн юм. Хөлгийн нисгэгч нисэх буудал руу буцах зөвшөөрөл хүссэн хэдий ч сүлжээ тасарсан байна.

Мөрдөн байцаагчдын үзэж буйгаар, нисэх онгоцонд техникийн доголдол гарсан бөгөөд нисэх онгоцны эх биеийн хэсэг одоог хүртэл олдоогүй ажээ.

Индонезийн Тээврийн аюулгүй байдлын хорооны дэд дарга Харё Сатмикогийн “Reuters” агентлагт мэдээлснээр, нисэх онгоцны дуу хураагуур олдсон хэдий ч мэдээллийг хараахан авч чадаагүй байгаа аж.

Нисэх онгоцны эхний хар хайрцгийг өнгөрсөн 11 сард тэнгисийн ёроолоос олсон юм. “Хар хайрцгуудын мэдээллийг сэргээхэд дээд тал нь зургаан сарын хугацаа шаардлагатай” гэж мэргэжилтнүүд мэдээлжээ.

montsame.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.