Сар шинийн барилдаан “Буянт-Ухаа” ордонд зохион байгуулагдах эцсийн тов гарчээ

“Урвуулагч” хэмээх шороон гахай жилийн Сар шинийн барилдаан “Буянт-Ухаа” спортын ордонд зохион байгуулагдах тов эцсийн байдлаар гарсныг Ерөнхийлөгчийн тамгын газрын Хэвлэл, мэдээллийн албанаас мэдээллээ. Сар шинийн барилдаанд 256 бөх барилдах бөгөөд хоёрдугаар сарын 4-ний өдрийн буюу битүүний өдрийн 12:00 цагт эхлэх юм байна. Харин барилдааны тасалбар 10,000 төгрөгийн үнэтэйгээр энэ сарын 26-ны өдрөөс худалдаалагдаж эхэлсэн байна. Билетийн касс өдөр бүрийн 10:00-19:00 цагийн хооронд ажиллаж байгаа аж. “Буяант-Ухаа” спортын ордон 5,000 хүний суудалтайгаас өнөөдрийн байдлаар 2,000 орчим тасалбар зарагджээ. Тасалбар шаглаж зарахаас урьдчилан сэргийлэх зорилгоор нэг хүнд хоёроос дээш тасалбар зарахгүй иргэний үнэмлэхтэйгээ ирсэн иргэдэд үйлчилж байгааг анхаарууллаа.

sonin.mn