Македон улсын нэрийг өөрчлөх ажлыг эхлүүлжээ

5c626d187480aМакедон улсын эрх баригчид Грек улстай байгуулсан гэрээний дагуу тус улсын нэрийг Бүгд Найрамдах Умард Македон Улс болгож өөрчлөх ажлыг эхлүүлж, эхний ээлжинд Засгийн газрын байруудын болон улсын хилээр шалган нэвтрүүлэх цэгүүдийн самбар хаягуудыг өөрчлөхөөр болжээ.

Македон улсыг НАТО-д элсүүлэх тухай протоколыг Грекийн парламент өнгөрсөн долоо хоногийн баасан гарагт баталжээ. 300 суудалтай парламентын гишүүдийн 153 нь уг баримт бичгийг батлахыг дэмжсэн байна.

Нэрний асуудлаар 27 жил үргэлжилсэн маргааны улмаас Македоныг НАТО-д элсүүлэх үйл явцад Грек улс хориг тавьсан байсан юм. Македон болон Грекийн Гадаад хэргийн сайд нар өнгөрсөн оны зургадугаар сарын 17-нд хоёр орны хилийн бүсэд оршдог Преспа арлын эрэгт хуучин Югославын бүрэлдэхүүнд байсан тус улсын нэрийг албан ёсоор өөрчлөх тухай гэрээнд гарын үсэг зурсан билээ. Македон улсын парламент энэ оны нэгдүгээр сарын 11-нд Үндсэн хуульд зохих нэмэлт өөрчлөлт оруулахыг баталжээ.

Македоны нийслэл Скопье хотын төвд оршдог Засгийн газрын ордноос “Бүгд Найрамдах Македон Улсын Засгийн газар” гэдэг хаягийг даваа гарагийн өглөө буулгажээ. Үүнээс өмнө, Гректэй залгаа хилийн гол шалган нэвтрүүлэх цэг болох “Богородица”-гийн самбар болон заах тэмдгүүдийг өөрчилсөн байна.

montsame.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.