Ш.Абэ АНУ-ын Ерөнхийлөгчтэй утсаар ярина

5c6bb7deac50e

АНУ, БНАСАУ-ын удирдагчдын хоёр дахь дээд хэмжээний уулзалтад бэлтгэх асуудлыг хэлэлцэхээр Японы Ерөнхий сайд Шинзо Абэ ойрын хугацаанд АНУ-ын Ерөнхийлөгч Дональд Трамптай утсаар ярина.

“Дээд хэмжээний уулзалт болохын өмнө Д.Трамптай нягт харилцаа холбоотой байхын тулд би түүнтэй утсаар ярина” хэмээн Ш.Абэгийн хэлснийг “Киодо” агентлаг иш татан мэдээлжээ. БНАСАУ-д хулгайлагдсан Япон иргэдийн асуудлыг ярихдаа тэрбээр энэ асуудлыг шийдвэрлэхийн тулд БНАСАУ-ын удирдагч Ким Жөн Унтай биечлэн уулзахад бэлэн байгаагаа дахин онцлон тэмдэглэжээ.

АНУ, БНАСАУ-ын хоёр дахь дээд хэмжээний уулзалт энэ сарын 27-28-нд Вьетнамын нийслэл Ханой хотод болох билээ. Уулзалтыг зохион байгуулах газрыг БНАСАУ-ын эрх баригчдын санаачилгаар сонгосон байна.

montsame.mn


URL:

Tags:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.