Н.Баяртсайхан: Монголбанк эдийн засгийг сэргээхэд бодит хувь нэмэр оруулж байна

Н.баяртсайхан“Тинк банк 2019” мөнгө, санхүүгийн орчин хэлэлцүүлэг Төрийн ордонд болж байна.

Монгол Улсын эдийн засаг сүүлийн 20 гаруй жилийн турш зээл, тусламж их авсан. Тиймээс хүүгийн дарамт өндөр байдаг байна. Жишээлэхэд Өнгөрсөн зээлийн хүүд 977 сая ам.доллар, бондын хүүнд 300 сая ам.долларыг төлжээ.  Гэхдээ хөрөнгө оруулалт сайн байгааг Монголбанкны удирдлагууд хэлж байна.

Монголбанкны Ерөнхийлөгч Н.Баяртсайхан:

-2019 онд Монголбанк үүсэн байгуулагдсаны 95 жилийн ой тохиож байна. Энэ бол Монгол Улсад банк, санхүүгийн байгууллага үүсэн байгуулагдсаны 95 жилийн ой юм. Монголбанк эдийн засгийн сэргэлт, түүний хүртээмжтэй байдлыг бий болгоход бодит хувь нэмэр оруулж байгаа. Банк,санхүүгийн системд хууль, эрхзүйн шинэчлэлийг амжилттай хийлээ. Мөнгөний бодлогыг амжилттай хэрэгжүүлж чадлаа. Мөнгө зээлийн зохистой өсөлтийг хангаж, эдийн засгийн сэргэлт эрчимжиж байна. Зээлийн хүүг бууруулах, хүртээмжийг нэмэгдүүлэхэд чиглэсэн арга хэмжээг авч хэрэгжүүлсэний үр дүнд гарлаа. Зээлжих зэрэглэл нэмэгдсэн нь бусад хувийн секторийн байгууллагаас гадаад хөрөнгө оруулалт нэмэгдүүлэхэд чухал нөлөө үзүүллээ. 2019 он бол Монголын банкны салбарыг хүчирхэг болгох жил байх болно хэмээв.

Дараагаар эдийн засгийн төлөв, мөнгөний бодлогын асуудлаар Монгол банкны Мөнгөний бодлогын газрын дарга Б.Баярдаваа илтгэл тавилаа.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.