Д.Трамп Оросын хакеруудтай холбоотой нь тогтоогджээ

483

Оросын тагнуулын алба болон Хакерууд 2015 оноос эхлэн АНУ-ын албан тушаалтнуудыг тагнаж, хувийн мэдээллүүдийг цуглуулж байсан аж. Тэд “DCleaks”, “Guccifer 2.0” гэх хоёр ажиллагаагаар Ардчилсан намын нөлөө бүхий гишүүд түүний дотор Ерөнхийлөгчид өрсөлдөж байсан Хилари Клинтоны хувийн мэдээлэл, цахим шуудан бүхий 60.000 орчим материалыг Ерөнхийлөгч Доналд Трампын сонгуулийн багт өгсөн байна.

Олон улсын ашгийн бус “Wikileaks” веб сайт 2016 оны АНУ-ын Ерөнхийлөгчийн сонгуулийн үеэр Ардчилсан намын нөлөө бүхий гишүүдийн хувийн мэдээлэл, цахим шууданг хакердаж авсан хэргийн тухай шинэ материалууд дэлгэлээ. Энэ хэрэгт АНУ-ын Ерөнхийлөгч Д.Трамп болон түүний ойрын хүрээлэл, тэр дундаа түүний том хүү нь холбогдоод байгаа.

image_660 Д. Трамп Оросын хакеруудтай холбоотой нь тогтоогджээ

Ерөнхийлөгч Доналд Трампын сонгуулийн штаб тус цахим шуудангуудыг өрсөлдөгч намын нэр дэвшигчийн нэр хүндийг унагах зорилгоор ямар нэгэн хэлбэрээр ашиглаагүй гэж мөрдөн шалгалт явуулах үеэр тогтоогдсон аж. Гэтэл Ерөнхийлөгч Доналд Трамп энэ тухай ил болгосон өөрийн хуучин өмгөөлөгчөө ‘худалч, луйварчин’ гэж өргөмжлөн өөрийн албан ёсны “Твиттер” хуудсаараа дамжуулан энэ хэрэгт гүтгэгдэж буйгаа “шулмын хорлол” гэх үгийг ашиглан дор хаяж 125 удаа мэдэгдэж байсан юм. Тэрээр өмнө нь Оросын тагнуул болон хакеруудтай нэг ч удаа холбоо тогтоож байгаагүй гэж мэдэгдэж байгаа. Харин Ардчилсан намын зүгээс уг мөрдөн шалгах ажиллагааг булхайтай явагдсан гэж үзэж байгаа аж.

Мөн Оросын тагнуулын байгууллага, хакерууд болон энэ мэдээллийг нийтэд дэлгэсэн “Wikileaks” веб сайт хүртэл тус хэрэгт холбогдон буруутгагдсан аж. Энэ хэрэг явдалд Холбооны мөрдөх товчооноос тусгай баг томилогдсон бөгөөд мөрдөн шалгах ажил хийгдэж дуусах шатандаа орсон аж.

Эх сурвалж: Wikileaks, npr.org, vox


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.