С.Эрдэнэ, Д.Эрдэнэбат нарт хариуцлага тооцохыг уриаллаа

767

АН-ын залуу гишүүд мэдээлэл хийлээ. АН-ын дарга С.Эрдэнэ, бүлгийн дарга Д.Эрдэнэбат тэргүүтэй хүмүүс 60 тэрбумын бүлэглэлийг байнга хамгаалж ирсэн. М.Энхболдыг огцруулахад хамгаалсан санал өгсөн. Энэ үйлдлийг АН-ын жирийн гишүүд эсэргүүцэж байгаа гэдгийг тэд хэлж байна.

Тиймээс тэд АН-ын гишүүд, дэмжигчдэд хандан уриалга гаргажээ. Уриалгадаа АН-ын өнөөгийн удирдлагууд шударга ёсны тэмцлийг санаатайгаар эсэргүүцэж,  Монголын ард түмний өмчийг булаасан бүлэглэлийг улайран хамгаалснаар ард түмний итгэлийг алдаж, намын рейтинг түүхэнд байгаагүй доод түвшинд хүрлээ.

…АН дахь МАНАН мафийн хамсаатангуудтай хариуцлага тооцох цаг болсон. АН-ын удирдлагууд болох С.Эрдэнэ, Д.Эрдэнэбат нар хэлсэн үг, хийсэн үйлдлээрээ өөрсдийгөө МАНАН мафийн хамсаатан гэдгээ баталсан.

С.Эрдэнэ, Д.Эрдэнэбат нар УИХ дахь намын бүлгээ удирдлагаар хангаж чадахгүйн дээр МАНАН мафийн эрх ашгийг бүлгийн гишүүдэд тулгаснаар парламентын тогтолцоог үгүй хийлээ. Ингэснээр манай намын нэр хүнд 60 тэрбум, ЖДҮ-тэй нэр холбогдсон МАН-аас дор орлоо. Шударга ёс ярьж, эрүүлээр шүүмжилсэн гишүүдээ намаас хөө, АН-д нэг хүний дарангуйлал тогтоод  байна.

Тиймээс С.Эрдэнэ, Д.Эрдэнэбат нарт хариуцлага тооцож, намаа цэвэрлэхийг гишүүд дэмжигчдэдээ уриаллаа.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.