Ж.Бат-Эрдэнийг шүүх хуралд гэрчээр дуудсан уу, дуудаагүй юу

90

Сүхбаатар дүүргийн Эрүүгийн хэргийн анхан шатны шүүхэд өчигдөр Зам тээврийн хөгжлийн яамны газрын дарга асан Б.Махбалд холбогдох хэргийг шүүх хуралдаан эхэлсэн ч тодорхой шалтгааны улмаас ирэх сарын 05 хүртэл хойшилсон байгаа юм.
Тодруулбал хохирогчийн өмгөөлөгчийн хүсэлтээр, шүүх хуралд гэрч, шинжээч нарын арав гаруй хүн оролцуулахаар болсон ч хуралд гэрчээр гурван хүн оролцсон байгаа юм.
Талийгаач Г-гийн өмгөөлөгч З.Хүрэлсүхийн ярьснаар “Энэ удаагийн шүүх хуралд хэд хэдэн хүнийг гэрчээр дуудсан. Тухайлбал, тухайн үед сайд байсан Ж.Бат-Эрдэнэ болон хэрэг болох үед байсан яамны газрын дарга нарыг дуудсан ч ирсэнгүй. Тиймээс шүүх хурал хойшилсон” гэсэн юм.
Тэгвэл сайд асан Ж.Бат-Эрдэнэ “Өчигдрийн шүүх хуралд намайг дуудаагүй. Дараагийн шүүх хуралд дуудвал очно” гэжээ.

О.Гэрэл
Оллоо.mn 


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.