Замын түгжрэлийг сааруулах, байгаль орчинд ээлтэй LINE TRACE ROBOT автобус угсрах бүтээлч арга хэмжээ боллоо

5c9091644c5312.12492566“Монголын бүтээлч ирээдүй-технологид суралцая” зорилтод хөтөлбөрийн хүрээнд уламжлал болгон зохион байгуулдаг “Миний анхны робот” бүтээлч арга хэмжээний энэ удаагийн цувралаар замын түгжрэлийг сааруулах ач холбогдолтой байгаль орчинд ээлтэй Line Trace Robot автобус угсрах онолын сургалт болон бүтээлч арга хэмжээг явууллаа.

Дөрөвдүгээр цуврал болох “Миний анхны робот-4” бүтээлч арга хэмжээнд оролцох хүүхдүүдэд зориулан хоёрдугаар сарын 20, 21-ний өдрүүдэд япон багш, япон улсад практикаар ашиглаж буй тусгай замаар явдаг, жолоочгүй автомат үйлдлийн системтэй Line Trace Robot автобусын талаарх онолын сургалтыг Үйлдвэрлэлийн инновацийн газарт явуулсан юм.

Сургалтад нийслэлийн 20 гаруй сургуулийн 30 гаруй сурагч хамрагдаж, роботоо өнөөдөр угсрав. Тус сургалтад хамрагдсан хүүхдүүдэд уламжлал ёсоор угсарсан роботыг нь бэлэг болгон өгөв.

“Монголын бүтээлч ирээдүй-технологид суралцая” зорилтод хөтөлбөрийг санаачлагч, нийслэлийн ИТХ-ын Тэргүүлэгч Ц.Байгалмаа Улаанбаатар хотынхоо хүүхэд, багачуудыг технологийн мэдлэгт дурлуулах, мөн ирээдүйн бүтээн байгуулалтад гар бие оролцох бүтээгчид болгон хүмүүжүүлэх, сэдэл өгөх үүднээс онол болон практикийн сургалтыг ийнхүү хослуулж байгааг онцоллоо.

Дашрамд сонирхуулахад, дөрвөн удаагийн эл сургалтад нийтдээ 200 гаруй сурагч хамрагдсан ажээ.

 

Нийслэлийн ИТХ-ын ХМОНХТ


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.