Амар мөрний гүүрийн ажил дуусчээ

54798715_2119310124830051_820840792263229440_nАмар мөрөн дээр орших Орос-Хятадыг шууд холбосон анхны төмөр замын гүүрийн барилгын ажлыг барьж гүйцэтгэж дууссан байна. Гуравдугаар сарын 20-ны өглөө, сүүлчийн ган төмөр байгууламжийг барьсан гэж Хятадын хэвлэлд нийтэлжээ. Тус гүүр ОХУ-ын Нижнеле́нинское сууринг Хятадын Тунцзян хоттой Амар мөрөн дээгүүр шууд холбох юм. Амарын гүүр 2209м урттай бөгөөд 2013 онд гүүрийн барилгын ажил эхлэсэн байдаг. Гүүрийн барилгын ажил 9 тэрбум рублийн үндсэн төсөвтэй батлагдаж байсан бол гүйцэтгэлийн явцад үндсэн санхүүжилтийн 15-20 орчим хувьтай дуйцэх нэмэлт санхүүжилт баталжээ.

Энэ объектыг Алс Дорнод, Байгаль нуурын хөгжлийг дэмжих сангаас 25%, ОХУ-Хятадын хамтарсан сангийн хөрөнгө оруулалтыг Оросын Шууд Хөрөнгө Оруулалтын Сангаар дамжуулан 75 хувийг санхүүжүүлсэн байна. Амарын гүүрээр төмрийн хүдэр, нүүрс, эрдэс бордоо, ойн бүтээгдэхүүн болон бусад барааг Оросоос – Хятад руу экспортлохоор төлөвлөж байна.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.