БНХАУ, Монголын Гадаад хэргийн сайд нар уулзжээ

8

БЭЭЖИН. /Xinhua/. БНХАУ-ын Төрийн зөвлөлийн гишүүн, Гадаад хэргийн сайд Ван И болон Монгол улсын Гадаад хэргийн сайд Д.Цогтбаатар нар өчигдөр Бээжин хотноо уулзсан байна.

Уулзалтын үеэр Ван И хэлэхдээ, БНХАУ-Монгол улс дипломат харилцаа тогтоосноос хойш 70 жил өнгөрч буйг онцлоод, хоёр талын харилцааны цаашдын хөгжилд чухал боломжууд бий гэв.

“Манай хоёр улс өндөр түвшний төлөөлөгчдийн айлчлалыг тогтмол зохион байгуулж, “Бүс ба Зам” санаачилгыг Монголын хөгжлийн стратегитэй холбож, хөгжлийг дэмжих болон ард иргэдийн амьжиргааг сайжруулах тусламжийн төслүүдийг хэрэгжүүлж, эрчим хүч, ашигт малтмалын нөөцийн талаарх томоохон төслүүдийн хэрэгжилтийг дэмжиж, хоёр талын хамтын ажиллагааг олон салбарт гүнзгийрүүлэх хэрэгтэй” гэж БНХАУ-ын Гадаад хэргийн сайд мэдэгджээ.

Харин Монгол Улсын Гадаад хэргийн сайд Д.Цогтбаатар, “Монгол улс БНХАУ-тай “Бүс ба Зам” санаачилгын хүрээнд хөдөө аж ахуй, мал аж ахуй, уул уурхай, эрчим хүч, зам тээвэр, дэд бүтцийн төслүүдэд хамтран ажиллаж, хоёр улсын стратегийн иж бүрэн түншлэлийн харилцааг үргэлжлүүлэн сайжруулах хүсэлтэй байна” гэж мэдэгдсэн байна.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.