Д.Даариймаа: “Бургер кинг”-ийн үйл ажиллагааг түр зогсоосон

burger_king_v_mogileve_5

Хан-Уул дүүрэгт байрлах “Бургер кинг” сүлжээ ресторанаар энэ сарын 7-нд үйлчлүүлсэн иргэд хоолны хордлого авсан талаар өмнө нь мэдээлсэн. Энэ талаар Нийслэлийн мэргэжлийн хяналтын газрын мэргэжилтэн Д.Даариймаагаас тодрууллаа.

-“Бургер кинг” сүлжээ ресторанаар үйлчлүүлсэн иргэд хордлого авч ХӨСҮТ-д хүргэгдсэн. Чухам юунаас болж хордсон талаар мэдээлэл өгөөч?

-Энэ сарын 7-ны өдөр тус хоолны газраар үйлчлүүлсэн гурван хүн хордсон гэх мэдээлэл ирсэн. Энэ дагуу “Бургер кинг” сүлжээ рестораны хоолноос 32 төрлийн шинжилгээний дээж авч лабораторид шинжлүүлэхээр өгсөн. Хариу нь хараахан гараагүй байгаа. Хоолны хордлого мөн эсэхийг тодруулахаар Хан-Уул дүүргийн мэргэжлийн хяналтын байцаагчид ажиллаж байна.

-Хордлогод орсон иргэдийн биеийн байдал ямар байгаа вэ?

-ХӨСҮТ-д хордлогын шинжтэй, цусан суулга гэсэн оноштой гурван хүн эмчлүүлж байгаа гэсэн мэдээлэл байна. Тэдний биеийн байдал одоо ямар байгаа, мөн хордлогын шинжтэй хүн нэмэгдэж ирсэн талаар мэдээлэл алга. Эмчлүүлж буй өвчтөнүүдийн шинжилгээний хариу гараагүй байгаа. Шинжилгээний хариу гарахаар шалтгаан нь тодорхой болно.

-Шинжилгээний хариу гартал тус салбарын үйл ажиллагааг зогсоосон уу?

-Хан-Уул дүүргийн мэргэжлийн хяналтын хэлтсийн шалгалтын бүрэлдэхүүн тус салбарын үйл ажиллагааг түр зогсоосон байгаа. Хариу яаж гарахаас шалтгаалан дараагийн авах арга хэмжээг шийдвэрлэнэ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.