“Apple” компанийн бүтээгдэхүүнээс татгалзахыг уриалжээ

385

АНУ-ын засаг захиргаа БНХАУ-ын харилцаа холбооны “Huawei” компанийн эсрэг хориг арга хэмжээ авсны хариуд Хятад дахь “iPhone”гар утаснуудаас татгалзахыг тус улсын иргэд уриалах болжээ.

“Huawei” компанид шахалт үзүүлж буйд нийгмийн сүлжээний “Twitter” хавсралтын Хятад хувилбар болох “Weibo” хавсралтын хэрэглэгчид өөрсдийн үзэл бодлоо илэрхийлсэн байна.

Нэгэн хэрэглэгчийн бичсэнээр, “Huawei”-гийн гар утаснуудын функц “iPhone”-той эн зэрэгцээд зогсохгүй илүү сайн бөгөөд “Apple”-ын гар утасны оронд “Huawei”-гийн бүтээгдэхүүнийг худалдан авахыг уриалсан байна. Өөр нэгэн хэрэглэгчийн хувьд “iPhone” хэрэглэж байгаадаа буруутай юм шиг санагдах болсон ба мөнгөтэй байсан бол гар утсаа солих байсан хэмээн нийтэлжээ.

2018 оны сүүлийн улирлын тайлан мэдээнээс үзэхэд, “Apple” компанийн Хятад дахь борлуулалтын хэмжээ 2 хувиар буурсан бол тухайн хугацаанд “Huawei” компанийн борлуулалт 2 хувиар нэмэгдсэн байна.

“Apple” компанийн тайланд дурдсанаар, борлуулалтын хэмжээ буурсаар байгаа нь Хятадын макро эдийн засгийн нөхцөл байдал болон дотоодын компаниудын өндөр чанартай бүтээгдэхүүнүүдтэй холбоотой ажээ.


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.