Т.Бадамжунайгийн “байшин савыг тоолсон” тэмдэглэл

6-11-1

-Т.Бадамжунай, түүний эхнэр, гурван охин, хоёр хүргэний нэр дээр давхардсан тоогоор 28 ширхэг орон сууц, үйлдвэрлэл үйлчилгээний барилга байна.

Түнжингийн Бадамжунай гэх эрхмийн тухай сонсоогүй хүн ховор доо. Өөрөө нэг их үзэгдээд байдаггүй. Гэхдээ энэ хүний тухай мэдээлэл байнга шахам л гарч байдаг.

“…Бадамжунай бүтээлээ, хийлээ” гэхээсээ “..Зохицууллаа, найрууллаа” гэсэн “God father” стилийн тэмдэг, мөр байнга үлдээж явдаг хүн байгаа юм.

Тэр талаар энд нурших илүүц. Мэдэх нь мэддэг, мэддэггүй нь сонссон байдаг юм.

Т.Бадамжунай бол Архангай аймгийн Чулуут сумын хүн, өдгөө 63 нас сүүдрийг зооглож буй.

Тэрээр Архангай аймгийн Чулуут сумын дунд сургуулийг дүүргээд, 1975 онд Төмөр замын техникумыг техникч-эдийн засагч мэргэжлээр төгссөн. Политехникийн дээд сургууль (ШУТИС)-ийг тээвэр инженер-эдийн засагч мэргэжлээр дүүргээд улмаар техникийн ухааны магистр цол хамгаалжээ. Ажил амьдралын гараагаа авто тээврийн салбараас эхэлсэн. Ачаа тээврийн удирдах газарт диспетчер, тус газрын хэлтсийн дарга, I баазад намын хорооны дарга, Монгол Дизель комбинатын дарга, Авто тээврийн газрын даргаар ажиллаж байжээ. 1996-2000 онд “Меркури” группын дэд ерөнхийлөгч хийж байсан.

2000 оноос Улаанбаатар хотын Ерөнхий менежерээр ажиллаж эхэлсэн. Тэр үед УИХ-ын дарга асан М.Энхболд Хотын даргаар ажиллаж байв. Тэднийг тэр үеэс гар нийлэн дөрөө харшсан гэдэг.

Ингэж Улаанбаатар хотын Ерөнхий менежерээр дөрвөн жил ажиллаад 2004 оноос УИХ-ын гишүүнээр сонгогдсон. 2008 онд дахин сонгогдсон. Тэгэхдээ ХХААХҮ-ийн сайд болж, 2012 оныг хүртэл ажилласан.

Харин 2012 оноос хойш төрийн ажил хийгээгүй. Гэхдээ М.Энхболдыг МАН-ын дарга байхад албан бусаар тус намын санхүүг хариуцаж байлаа.

Ер нь бол Т.Бадамжунайгийн хүчээ авсан үеийг хоёр үечилж болно.

2000-2004 онд М.Энхболдыг Хотын дарга байхад Хотын ерөнхий менежерээр ажилласан үе, 2008-2012 онд ХХААХҮ-ийн сайдаар ажилласан хугацаатай нь холбоотой хөрөнгө мөнгөний асуудал их дуулддаг.

Өөрөөр хэлбэл, энэ хоёр албыг хашсаных нь дараа МАН-д болоод тус удирддаг байсан фракцын гол хүн гэгдэх болсон билээ. Тэр тусмаа намын, фракцын санхүүг голчлон хариуцдаг байсан гэдгийг намынхан нь байтугай, улс төрийн хүрээнийхэн тэр чигтээ мэддэг, ярьдаг юм.

2013 оны МАН-ын генсек болох шахсан Ж.Сүхбаатар өрсөлдөөнд ялагдсаныхаа дараа “…Бадамжунай гэдэг мафи шоронд ороогүй цагт Монголд авлигачид жаргаж олон түмэн айдас доромжлол амссаар байх болно” гэж цахим сүлжээнд бичсэн нь ихээхэн шуугиан тарьж байлаа. Магадгүй, Т.Бадамжунайг хүчтэй байх үед залуусаас ингэж хэлсэн нь ганц энэ биз ээ.

Т.Бадамжунайгийн үл хөдлөх хөрөнгүүд хотын төв буюу Сонгинохайрхан дүүргээс бусдад байдаг аж. Түүнчлэн голдуу Зайсан, Туул голын хөвөө дагасан, эсхүл хотын төвийн А зэрэглэлийн байршилд байгаа юм. Энэ нь Т.Бадамжунайгийн үл хөдлөх хөрөнгүүдийн үнийг хэлээд өгнө.

Т.Бадамжунайгийн охин Оюунбилэгийн нэр дээрх “БЗД, 11-р хороо, Бага тэнгэрийн ам /13314/, Дүнжингаравын гудамж, 449 тоот” барилгын хаягаар очиход Бага тэнгэрийн амыг хашчихсан том том хаус байшингууд баригджээ. Ихэнх нь босоод, бэлэн болчихсон. Дотоод засал нь хийгдэж байгаа аж. Гэхдээ энэ ам руу нэвтрүүлсэнгүй. Бага тэнгэрийн амыг хашаад үүдэн дээр нь хамгаалалтын албаныхныг байрлуулжээ. Тэд “…Байрны инженерүүдийн хэлснээр айлуудын хүмүүсийг оруулдаг. Хэвлэл мэдээллийнхнийг нэвтрүүлэхгүй” гэсэн хариулт өгөх жишээтэй.

Бид Т.Бадамжунайтай холбогдохоор 9191…. гар утасны дугаарт холбогдоход “…Таны залгасан хэрэглэгч утсаа салгасан байна. Та түр хүлээгээд дахин залгана уу” гэсэн операторын хариултыг өгөв. Харин албан бус эх сурвалжуудын мэдээллээр Т.Бадамжунай Монголд байхгүй бололтой. Түүнийг одоогоос хагас жилийн өмнө, 2018 оны сүүлчээр ЖДҮ-гийн хэрэг мандаж эхлэхэд Замын-Үүдээр “УАЗ-469” машинд суугаад хилээр гарч явсан гэх мэдээлэл тарсан. Дараа нь Сингапурт байна гэсэн мэдээлэл ч хэвлэлүүдээр гарч байлаа. Тэр үеэс хойш Т.Бадамжунай Монголд үзэгдээгүй аж.

Хууль тогтоогч, төрийн сайд, Хотын ерөнхий менежер, түүнээс өмнө төрийн албанд ажил эрхэлж ирсэн, өөрөөр хэлбэл насаараа төрд зүтгэсэн гэж болохоор хүн бол Т.Бадамжунай юм. Энэ удаад бид түүний 20 гаруй үл хөдлөх хөрөнгийн хаяг байршлыг олж авснаа, зарим дээр нь очиж нягталснаа хүргэж байна. Эдгээрийн заримыг ч ийш тийш нь болгожээ.

Бид залгуулаад Т.Бадамжунай, түүний хамаарал бүхий этгээдүүдийн үүсгэн байгуулсан хуулийн этгээд буюу компаниуд, Т.Бадамжунайгийн Хотын ерөнхий менежер, ХХААХҮ-ийн сайдаар ажиллаж байх үеийн төр, түмний хөрөнгө зоорь хэрхэн хөндөгдөж байсан талаарх мэдээллүүдийг хүргэх болно.

“Зууны мэдээ” сонины Эрэн сурвалжлах алба энэ удаад Т.Бадамжунайгийн орон сууц, үл хөдлөх хөрөнгүүдийн талаар сурвалжиллаа.

Бидэнд олдсон мэдээллээр Т.Бадамжунай, түүний эхнэр, гурван охин, хоёр хүргэний нэр дээр давхардсан тоогоор 28 ширхэг орон сууц, үйлдвэрлэл үйлчилгээний барилга байдаг байна. Дор жагсаая.

Т.Бадамжунайгийн нэр дээр

1.УБ, ЧД, 3-р хороо, 8-р байр, 19 тоот

2.УБ, СБД, 7-р хороо, 11-р хороолол, Их тойруу гудамж, 86 тоот

3.УБ, БГД, 12-р хороо, 27-р байр, 13 тоот,

Т.Бадамжунайгийн эхнэр Ц.Сарантуяагийн нэр дээр

4.УБ, ЧД, 3-р хороо, 8-р байр, 19 тоот

5.УБ, БГД, 12-р хороо, 27-р байр, 13 тоот,

Т.Бадамжунайгийн охин Оюунбилэгийн нэр дээр

6.УБ, ЧД, 3-р хороо, 8-р байр, 20 тоот

7.УБ, ЧД, 3-р хороо,18-р байр, 11 тоот

8.УБ, СБД, 3-р хороо, 5-р хороолол, Сөүлийн гудамж, 18-р байр, 0 тоот

9.УБ, БЗД, 11-р хороо, Бага тэнгэрийн ам /13314/, Дүнжингаравын гудамж, 449 тоот

10.УБ, БГД, 12-р хороо, 27-р байр, 13 тоот

Т.Бадамжунайгийн охин Оюунбилэгийн нөхөр Энхбатын Анарын нэр дээр

11.УБ, ХУД, 15-р хороо, Үйлдвэр Туул гол гудамж, 29-р байр, 13 тоот

12.УБ, ЧД, 3-р хороо,18-р байр, 11 тоот

13.УБ, СБД, 3-р хороо, 5-р хороолол, 13-р байр, 56 тоот

14.Дархан-Уул, Дархан сум, 5-р баг, Үйлдвэрлэлийн зориулалттай барилга байгууламжийн цогцолбор

15.УБ, ХУД, 15-р хороо, Үйлдвэр Туул гол гудамж, 29-р байр, 2 тоот

16.УБ, ХУД, 15-р хороо, Үйлдвэр Туул гол гудамж, 29-р байр, зоорийн давхрын 1 тоот

Т.Бадамжунайгийн охин Гаваагийн нэр дээр

17.УБ, СБД, 2-р хороо, Сөүл гудамж, 902 тоот, Оффис үйлчилгээний зориулалттай.

18.УБ, БГД, 12-р хороо, 27-р байр, 13 тоот

19.УБ, ХУД, 11-р хороо, Зайсан гудамж, 42-р байр, 0 тоот

20.УБ, ХУД, 15-р хороо, Хүннү-2222, Их Монгол Улс гудамж, 113-р байр, 504 тоот

Т.Бадамжунайгийн охин Гаваагийн нөхөр Энхсайханы Жаргалсайханы нэр дээр

21.УБ, ЧД, 6-р хороо, Бага тойруу гудамж, 23-р байр, 27 тоот

22.УБ, СБД, 1-р хороо, 13-р хороолол /14230/ Нарны зам гудамж, 62 дугаартай барилгын В блок, 401 тоот

23.УБ, БЗД, 18-р хороо, 13-р хороолол /13370/, Манлайбаатар Дамдинсүрэнгийн гудамж, 24а байр, 37 тоот

24.УБ, ХУД, 11-р хороо, Зайсан гудамж, 42-р байр, 0 тоот

Т.Бадамжунайгийн охин Даваагийн нэр дээр

25.УБ, ЧД, 3-р хороо, 40, 50 мянгат /15172/ Энхтайваны өргөн чөлөө гудамж, 18-р байр, 12 тоот

26.УБ, БГД, 12-р хороо, 27-р байр, 13 тоот

27.УБ, ХУД, 11-р хороо, Зайсан гудамж, 40-р байр, 0 тоот

28.УБ, ХУД, 1-р хороо, Зайсан гудамж 6, Зоорийн давхрын 3, 4 тоот зэрэг орон сууц, үйлдвэр үйлчилгээний зориулалттай үл хөдлөх хөрөнгүүд байна.

ЭРЭН СУРВАЛЖЛАХ АЛБА

 

Эх сурвалж: “Зууны мэдээ” сонин

 


URL:

Нэр: you can try this out Огноо: 13 June 2019

I simply want to say I am very new to blogging and seriously liked your blog. Very likely I’m planning to bookmark your website . You amazingly come with awesome posts. Thank you for revealing your web-site.

Нэр: Google Огноо: 25 June 2019

Hiya, I’m really glad I’ve found this info. Today bloggers publish only about gossip and web stuff and this is actually frustrating. A good site with exciting content, this is what I need. Thanks for making this site, and I’ll be visiting again. Do you do newsletters by email?

Нэр: Dior 4D Огноо: 25 June 2019

Awesome post. I am a regular visitor of your blog and appreciate you taking the time to maintain the nice site. I will be a regular visitor for a really long time.

Нэр: Tanklesswaterheater Notice Огноо: 25 June 2019

Awesome write-up. I’m a normal visitor of your web site and appreciate you taking the time to maintain the nice site. I’ll be a regular visitor for a really long time.

Нэр: Dramax Огноо: 25 June 2019

Hi there. I discovered your website by the use of Google even as searching for a comparable matter, your website came up. It seems to be great. I’ve bookmarked it in my google bookmarks to come back then.

Нэр: qq online Огноо: 25 June 2019

Awesome post. I’m a normal visitor of your website and appreciate you taking the time to maintain the excellent site. I will be a regular visitor for a long time.

Нэр: ruqyahdepok Огноо: 25 June 2019

Awesome write-up. I am a regular visitor of your site and appreciate you taking the time to maintain the nice site. I’ll be a regular visitor for a really long time.

Нэр: Poker Online Terpercaya Огноо: 25 June 2019

Hiya, I am really glad I have found this info. Nowadays bloggers publish just about gossip and internet stuff and this is really annoying. A good website with interesting content, this is what I need. Thank you for making this website, and I will be visiting again. Do you do newsletters by email?

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.