Л.Болдыг хөөж, О.Баасанхүүг гуйж авчирсан нь АН-ын ээлжит эмгэнэл

olloo_mn_1560910273_gurawАН Засгийн газрыг огцруулах асуудал дээр нам, УИХ дахь бүлгээсээ эсрэг байр суурь баримталсан тул Л.Болдыг дөрвөн жил аливаа сонгуульд оролцуулахгүй байх сахилгын шийтгэл оноосон юм. Энэ шийдвэр  гарсны дараа УИХ-ын гишүүн Л.Болд УИХ дахь АН-ын бүлгээсээ, дараа нь намаасаа гарах өргөдлөө хүргүүлсэн.

Удтал дуншсаны эцэст хаврын чуулганы эхэнд Л.Болд гишүүний өргөдлийг АН шийдэж, УИХ дахь АН-ын бүлэг татан буугдав.

Тэгвэл өнгөрсөн долоо хоногт УИХ-ын 2016 оны сонгуульд МАХН-аас нэр дэвшин сонгогдсон О.Баасанхүү АН-ын Зөвлөлд нэгдэж байгаагаа зарлалаа. О.Баасанхүү гишүүн энэ тухай албан бичгээ АН-ын Зөвлөлийн дарга Д.Эрдэнэбатад хүргүүлж, нааштай хариу хүлээн авсан хэмээн баяр ёслолын байдалтайгаар фэйсбүүк хуудаснаа нийтлэв.

Энэ үйл явдлаас яг жилийн өмнө АН-ын дарга, УИХ-ын гишүүн С.Эрдэнэ “О.Баасанхүү чи мэдрэлээ үзүүл. Эрүүл саруул хүн хуралд суудаг юм, дуракаа. Намаасаа гарахаар ийм мэдрэл муутай болчихдог юм уу” хэмээн агсарч байсан. Гэтэл өнөөдөр МАХН-аас жийгдсэн О.Баасанхүү, АН-ынхантай “хадаг сүү тавьчихлаа”.

АН-ынхны Л.Болдыг хөөж,  О.Баасанхүүг гуйж авчирсан драм хэрхэн үргэлжлэхийг харах л үлдэж байна.

П.АНИР
Оллоо.мн


URL:

Нэр: ijhh Огноо: 20 June 2019

Ene ezneesee sharvadag gologiig hen ch songohgui .baasta guai

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.