Үерт автсан Эрхүүгийн 42 хүүхэд “Найрамдал” зусланд иржээ

5067

Энэ сарын эхээр ОХУ-ын Эрхүү мужид аадар бороо үргэлжлэн орсны улмаас үер бууж, 10 мянган байшин усанд автаж, 25 хүн амь насаа алдсан билээ.

Хохирлын нийт хэмжээг 29 тэрбум рубль гэж тогтоожээ. Орон гэрээ алдсан иргэд хоргодох газар хоног төөрүүлж, байшин барилга нь бүрэн бүтэн үлдсэн иргэд ч цахилгаангүй нөхцөлд амьдарч байна.

Хөрш оронд болсон энэхүү байгалийн гамшигт нэрвэгдэгчдэд зориулан, манай улсад хандивын аян зохион байгуулж, Ерөнхийлөгч Х.Баттулга үерийн хохирлыг арилгаж, сэргээн босголт хийж дуустал Эрхүү мужийн хүүхэд багачуудыг нутагтаа хүлээн авахад бэлэн гэдгээ илэрхийлсэн билээ.

Энэ ёсоор тус мужийн Нижнеудинск дүүрэг, Тулун хотын 42 хүүхэд Олон улсын “Найрамдал” зусланд амрахаар ирлээ. Мөн 150 хүүхдийг Оросын “Орлёнок” хүүхдийн зуслан хүлээн авсан байна.

П.Урнаа

http://isee.mn/


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.