Гэр шатсаны улмаас хоёр хүүхэд түлэгдэж, нэг хүүхэд амиа алджээ

5244

Төв аймгийн Батсүмбэр сумын Үдлэг багийн “Буйрын-Ар” гэдэг газар таван ханатай гэр шатсаны улмаас хоёр хүүхэд түлэгдэж, нэг хүүхэд амиа алджээ.

Тодруулбал, наймдугаар сарын 4-ний өдрийн 18:00 цагийн орчим гэр бүрэн шатсан тухай мэдээллийг тухайн өдрийн 23:25 цагт Онцгой байдлын газар хүлээн авчээ.

Мэдээллийн дагуу ажлын хэсэг тус аймгийн Онцгой байдлын газрын нэг алба хаагч, аймгийн  Цагдаагийн газрын дөрвөн алба хаагчийн хамт тухайн газарт наймдугаар сары 5-ны өдөр ажилласан байна.

Түймрийн улмаас гурван настай хүү угаартан нас барж, Г /10 настай, эрэгтэй/, Н /хоёр настай, эмэгтэй/ нар түлэгдэж гэмтлийн эмнэлэгт хүргэгджээ.

Урьдчилсан байдлаар галын шалтгаан нь зуухны ашиглалтын буруугаас байж болзошгүй гэж аймгийн Онцгой байдлын газраас мэдээлсэн байна.

Эх сурвалж: ОБЕГ


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.