Хуучны 3000 гаруй ном судрыг сэргээн засварлажээ

6168

Төвдийн хуучны ховор, үнэ цэнэтэй 3000 гаруй ном судрыг сэргээн засварласан талаар урд хөршийн CCTV мэдээллээ.

БНХАУ-ын Төвдийн өөртөө засах орон 2010 оноос хойш эртний 18 мянга гаруй судар бичгийг тоолж бүртгэлжүүлсэн байна. Мөн эртний 291 ном, судар бичгийг үндэсний үнэ цэнэтэй, эртний номын жагсаалтад оруулсан аж. Түүнчлэн энэ оноос эхлэн Хятад улс Түвдийн Потала ордны хуучны ном судар, сурвалж бичгийг хамгаалах болон ашиглахад зориулж 10 жилийн хугацаанд 300 сая юанийн хөрөнгө оруулахаар болсон юм. Одоогийн байдлаар тус ордны сан хөмрөгт Монгол, Хятад, Төвд, Санскрит зэрэг олон хэл дээрх ховор нандин 40 мянга орчим ном судар, сурвалж бичиг хадгалагдаж байна. Тухайлбал, хураангуйлан нэгтгэсэн бурханы судар, Бурхан багшийн намтар, олон хэл дээрх анагаах ухаан, түүх, жүжиг, цаг тооллын бичиг байгаа аж.

Т.Болор-Эрдэнэ

MNB.MN


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.