Судлаачид сарьсан багваахайнууд хоорондоо ярьдаг төдийгүй их маргадаг болохыг тогтоожээ

batsАмьтад бие биетэйгээ харилцаа үүсгэж ойлголцож чаддагийг баталсан олон судалгаа бий. Чононууд ульж, шувууд жиргэн дуулж, муурууд шээсээрээ өөрийн эрх мэдлээ тамгалдаг. Харин сарьсан багваахайн хоорондын харилцааг анх удаа хөндөж машинд суурилсан алгоритм ашиглан хэлийг нь тайлж уншжээ.

Судлаач Иосси Иовел болон түүний хамтран ажиллагсад 22 сарьсан багваахайг 75 өдрийн турш ажиглаж дууг нь хураажээ. Ингээд машинд суурилсан алгоритмд 15 мянган өөр дуу авиа илэрснийг шинжилсэн байна. Эдгээр дуу авиа нь санамсаргүй үүссэн зүйл биш бөгөөд 60 хувь орчим харилцан яриаг нь дараах дөрвөн агуулга бүхий ангилалд авч үзсэн аж. Үүнд:

  • Хоол хүнсний асуудлаар маргасан
  • Бөөгнөрч унтах байрлалаа сонгох гэж санал зөрсөн
  • Хос болох гэж харилцаа үүсгэсэн
  • Нэг нэгнийгээ хэтэрхий ойр суулаа гэж унтууцсан хэмээн хуваан үзжээ.

Үүнээс нэгэн дүгнэлт хийж болох ба сарьсан багваахайнууд хоорондоо ярьдгаас гадна ихэвчлэн маргалддаг аж. Иосси Иовел сарьсан багваахайн хэлийг судлах ажил дуусаагүйг дурдаад “цаашдаа тэд төрөхдөө л ийм чадвартай төрдөг үү эсвэл сурдаг уу гэдгийг олж мэдэхээр ажиллана” хэмээсэн байна.

Эх сурвалж: smithsonianmag.com


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.