Сагсан бөмбөгчид түүхэн амжилт үзүүлэв

74269133_2500420070239284_7303527741511434240_n_bDoha 2019 World Beach Games буюу Дэлхийн элсний спортын анхдугаар наадам Катарын нийслэл Дохад өндөрлөлөө. Тус наадамд Монгол Улсаас зөвхөн 3х3 сагсан бөмбөгийн төрлөөр эрэгтэй, эмэгтэй баг тамирчид эрхээ авч оролцсон юм.

Монголын эрэгтэй баг хасагдах шатанд чадварлаг бүрэлдэхүүнтэй Хятадын багийг 20:17 оноогоор хожоод, дараа нь ОХУ-ын багт 8:21 оноогоор хожигджээ. Улмаар Дэлхийн элсний спортын наадмын хүрэл медалийн төлөө Украинтай өрсөлдөв. Хэсгийн шатанд тэдэнд 15:17 оноогоор ялагдсан бол хамгийн чухал тулаанд манай залуус маш итгэлтэй тоглож 20:16 оноогоор хожив.

 Ийнхүү Дэлхийн наадмаас хүрэл медалийг, тэр дундаа багийн спортын төрлөөр хүртсэн нь үнэхээр гайхамшигтай амжилт болж байна. С.Тулга, С.Төгсжаргал дасгалжуулагчтай, А.Ананд, А.Алтангэрэл, Ч.Ихбаяр, Г.Ган-Эрдэнэ нартаа халуун баяр хүргэе.

М.Бүүвэй


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.