Допинг хэрэглэсэн хоёр бөхийн даваа бүрийг хүчингүйд тооцож, барилдах эрхийг нь хоёр жилээр хасах шийдвэрт хүрчээ

3-21Үндэсний бөхийн салбар хороо өнөөдөр хуралдаж хоёр бөхийн цолыг хураах эсэх тухай шийдвэр гаргажээ.

Энэ талаар Үндэсний их баяр наадмыг зохион байгуулах хорооны дарга, Шадар сайд Ө.Энхтүвшин:  “Үндэсний их баяр наадмыг зохион байгуулах хороо өнөөдөр ирц өндөртэйгөөр хуралдаж, Үндэсний бөхийн салбар хорооны допинг хэрэглэсэн нь тогтоогдсон хоёр бөхийн асуудлыг хэлэлцсэн.

Хурлаар энэ жилийн баяр наадамд түрүүлж, аварга болсон Э.Оюунболд болон тав давж начин цолоо бататгасан Д.Цэрэнтогтох нарын даваа бүрийг хүчингүйд тооцож, барилдах эрхийг нь хоёр жилээр хасах шийдвэрт хүрлээ.

Мөн наадмын барилдааны таваас дээш даваанд буюу Э.Оюунболдод унасан дөрвөн бөхөд нөхөж цол олгохоос гадна улсын арслан Ц.Содномдоржид чимэг нөхөж олгохоор шийдсэн.

Гэхдээ Үндэсний их баяр наадмын зохион байгуулах хорооны энэхүү шийдвэр эцсийнх биш гэдгийг санах хэрэгтэй. Бид саналаа Монгол Улсын Ерөнхийлөгчид өргөн барьж байгаа бөгөөд шийдвэрийг Ерөнхийлөгч гаргана” гэв.

Мөн тэрбээр, Э.Оюунболд B сорьцын шинжилгээг хүлээхгүй гэсэн бол Д.Цэрэнтогтох нь сорьцын шинжилгээг харахаар болсон ч хариу нь анхныхтайгаа адилхан гарсан хэмээн zarig.mn сайтын шууд дамжуулалтаар ярилаа.

Урьд нь ч А болон В сорьцын шинжилгээний хариу зөрсөн тохиолдол огт гарч байгаагүйг нэмж хэлсэн юм.

Updown.mn


URL:

Tags:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.